دعوة عامة لكل شعراء ويلان وكتابهم لتعبير عن مشاعر فرحتهم بسلامة مليكنا المفدى

[احساس قلم]

سابدا موضوعي هذا بقصئدكم انتم لانه موضوعكم انتم سابداه يقصيدة شعرانا \\.. \\... القصيدة الاولى كتبها سمو الشعر

المشاركة الأصلية كتبت بواسطة ماجد الجعفري

هذه المشاعر أنبثقت بعد أعلان الديوان الملكي عن الوعكه الصحية التي تعرض لها خادم الحرمين الشريفين نسأل الله يقومه بالسلامة ويلبسة ثوب الصحة والعافية

........................................

ياخادم البيتين عن وضع صحتك=جت المشاعر تسألك كيف حالك
عسى المرض ماعكّر بيوم فرحتك=والهم جعله ماعنا صوب بالك
الشمس تشرق وقت ماتبين لمحتك=والزهر يتفتح بلحظة وصالك
شعبك لك اقبل يطّلب وسط ساحتك=وده يشوفك واقفٍ مع عيالك
وتطل ياصقر العروبه بنفحتك=والخير والصحه تكمّل جمالك
ونشوف في وجهك تعابير راحتك=والكل يبدي فرحته بحتفالك
وتلعب لنا العرضه ونسعد بدّحتك=وترفع لنا في كل ديرة عقالك
والشعرينصف بالجزالة رجاحتك=ماهو تصنع هيظنه فعالك
ونقول يارمز الوفا عقب طيحتك =الحمّدلله سيدي طاب فالك
عساه ماتطوى مع الوقت صفحتك=وتبقى لنا ذخرٍ نعيش بضلالك
أنت اللذي نلت الغلا من سماحتك=وزرعت طيب الفعل داخل سهالك
شف اليتامى فازت بطيب مسحتك=وارويتهم ياسيدي من زلالك
حتى الأرامل تنعم بخير منحتك=وترفع يديها بالتّظرع دعآلك
يعني رصيد الطيب يغمر مساحتك=ولا عاش وسط الذل شخص ٍ نصالك
واجب علينا داخل القلب ننحتك=وارواحنا تبذل لك الله فدآلك

اما القصيدة الثانية فهي ل راعي سميراء

المشاركة الأصلية كتبت بواسطة راعي سميراء

قصيدة بمناسبة سلامة والدنا المليك الغالي
خادم الحرمين الشريفين " ابا متعب "
اطال الله في عمره على الطاعة ويعود الينا بصحة
وخير شفاه الله وعفاه من كل سوء ومكروه وجعله
ذخرا للاسلام والمسلمين وحفظ لبلادنا امنها
واستقرارها ورد كيد اعداءها
في نحورهم انه ولي ذلك والقادر عليه

سلمت ياخادم البيتين=مليكنا الطيب الغالي

الله يحفظك من السيّين=ويجعلك ذخرِ لنا عالي

طهور يامزبن العانين=طهور ياطيب الفالي

يشفيك رب السماء ويعين=وترجع لنا طيّب وسالي

قايد لشعبك وفيك اللين=ويمناك للخير همّالي

عطوف وطيّب وبك ثنتين=حكمة وخيرات تنهالي

في خدمة اهل الوفى والدين=حكامنا نسل الابطالي

سعودنا دايم (ن) وافين=والسيف للي عنه مالي

من ماضي الوقت الى هالحين=امن وامان ٍ على الحالي

وصلوا على الصادق الامين=شفيعنا يوم الاهوالي

بقلم محبكم الكاتب الاعلامي

ابراهيم بن عبدالله بن عبدالعزيز الجلعود

مدينة سميراء

23 / 12 / 1431 هـ

انتظر تفااعلك وقصائدكم ودمت بود دومااا