مبطــي وانا اكنها بالصدر واخفيها && بعض من كل &&

[محمد المقبل]

الناس ربك على النيات يرزقها=واللي يبي الرزق نياته يصفيها
ماني بتاجر بضايع جيت اسوقها=دعوه لفتني وانا ملزوم البيها
ناسٍ تسولف ونار الحقد تحرقها=من خلف ظهري غدر تطعن شباريها
قالو جزال القصايد كيف تسرقها=ياخي كبيره عليك تكون راعيها
يا كبرها يا عرب وان جيت ابرقها=حاولت ابكظم بعض غيضي واعديها
لكنها موجعه والروح ترهقها=يا عنك ما تنبلع لو جيت امشيها
واليوم في خاطري كلمه وابنطقها=مبطي وانا اكنها بالصدر واخفيها
للخمه الي شعار الكذب بيرقها=سمٍ زحاحن يشيلنه معانيها
يا لعنبوكم سما القمه اعانقها=نفسي عزيزه ولا يمكن ارديها
جزلات الابيات بالافعال اوثقها=الحمد لله على العليا مضريها
ولا السقايط بعيدٍ عن طرايقها=مير البلا يوم حاشتني دعاويها
يحرم عليه عليهم كود اطربقها=واضحك الناس قاصيها ودانيها
وام الجنيب ان حصل بيدي ابخنقها=حق الحيايا تموت وسمها فيها

الاخ الشاعر عبدالله المانع

صح لسانك على هذه القصيده الرائعة التي يتقدم معانيها الحكمه وصفاء سريرتك أيها الشاعر

المبدع ثقتك بقريحتك الشعريه أسترسلت بهذه الرائعة فالف مليون صح لسانك مراتٍ عديده

الشاعر عبد الله المانع تقبل تحياتي