بعض العرب اسمي لوحده يغيضه

[محمد المقبل]

المشاركة الأصلية كتبت بواسطة مشعل الفدغوش

بعض العرب اسمي لوحده يغيضه=لوشاف زولي من القهر مات مغتاض
احسبه رجالٍ وبيّن نقيضه=وثوب المراجل يوم يلبسه فضفاض
لاشافني يقبل ببسمه عريضه=غشاش يكذب للمواثيق نقّاض
حذراك من قو الشعيب ومفيضه=وكسو المراجل دايم اطوال وعراض
وصعب على شرواك لحظه يهيضه=مثل الجبل باقي على كل قرّاض
ولاهمني قرض النفوس المريضه=اللي حسدهم ضدنا بالخطا فاض
لاواحسافه راح وقتي غميضه=يومي قريت اشعار هزلين الألفاظ
ناس بدت بالذم قبل الفريضه=ماعندهم ياكود نهشٍ بالاعراض
نهج الوفا يمشون دايم نقيضه=ولايستوي للمجد عشاق الانقاض
قلنا وكتبنا بالبنوط العريضه=ولاباقي إلا الكي في بعض الأمراض

الشاعر مشعل الفدعوش

صح لسانك على هذه القصيده الجزله بمعناها الهادف وياكثرهم في هذه الايام لكنني أقول

بعض القلوب تموت حقداً وغيره ** وبعض القوب تعيش مع طيبة الذات

مشـــــعـل كبير ولانظرللصغيره ** عــاش بشــمـوخ ولاتهــمه صـغـيرات

أخي العزيز تشرفت في معرفتك عن قرب لوكان وقتاً قصيراً جداً لكنه زادي شرفاً

واعتزاز. بكل معاني الاحترام والتقدير تقبل تحياتي واحترامي