رسالة للشاعر مطلق النومسي

[فهد معزي]

جتني خواطرها وانا بأخر الليل =قالت من اللي تذكره في حياتك
ثم أمطرت بمزون منها هماليل =وصفٍ حقيقي واستبدت صفاتك
بالشعر وايضا الطيب بين الرجاجيل = عزيت نفسك يوم تفخر بذاتك
شاعر ولك في قمة الشعر تبجيل = كلن يبي مثلك يسوي سواتك
اليا أبتديت الشعر نظم ومواويل = تربك وترهب كل منهم عداتك
وترجح الميزان وتوفي الكيل = ولا تنحني بالراس كود بصلاتك
يا مطلق الدنيا بها العدل والميل = وبعض العرب مايستحق التفاتك
واهل القلوب اللي بحقده محاميل =إرتاح منهم واستلذ بسباتك
الخيل والأحرار وأصايل الخيل = تلحق ولا تلحق ولا شي فاتك
وان شفت بالساحه قلوبٍ مغاليل = أكو القلوب اللي دواها جمراتك
وهلل وكبر وابتهل بالتهاليل = وقله بحور الشعر هاجت وجاتك
أفخر بربعك وارفع الراس بالحيل = عباة عز وتفتخر في عباتك
شاعر إبداع تقدم البن والهيل = والحيل ذبحتها صفه من صفاتك
قد قيل في وصف الرجاجيل قد قيل = وانت الحكيم اللي تشوفه مراتك
رجل تعرفه يا طلع كنه سهيل = عزيز قوم ومن حياته حياتك
أعز أنا وتعز كل المشاكيل = طبعا بنا هذا كفاي وكفاتك
ورجلاٍ على قده يشد الصواميل = مستور حال ولا عرف مفرداتك
ورجلاٍ حسود وفيه خبث وتهاويل = حسده ولومه مايهز شعراتك
أكبر من المطفلين المهابيل = أسكت وحر قلوبهم في سكاتك
السيف سيفك بالليال المقابيل = واخاف لأشرك لو أوصف عصاتك

صح لسانك شاعرنا الكبير

والشاعر مطلق النومسي يستاهل