لــيبـرالـي شـيـعي انـتهــازي شيــوعي ...

[محمد المقبل]

المشاركة الأصلية كتبت بواسطة المسيكي

السلام عليكم ورحمة الله




ومسيتم / وصبحتم بالخير

قالوا تـقّـدم في زمـان الرجوعي = شفـت التخـلـف وادّعـوا بالحضاره
في عـالم الإسـلام وضـع ٍ يـروعي = ناس ٍ تخطط واتحبي بالغتاره
وأمة محمد بـس اسم وجموعي = اسلام اسـمي بـس ذيـك العبــاره
ولايمجّــد إلا كـل كـلب ٍ دنـــوعي = وراع الفـضـل لو طـاب منـكور كاره
شـراب روحي فـنّ مـطـرب يسـوعي = سـمـّوا اسـامي كــلـهـا مـسـتـعـاره
ووش عاد اسمه وبالنهايه مهـكـوعي = العـيـر عـيـر ولا يـشــادي امـهـاره
بعـضه دخلنـا وفـيه غيـره لفــوعي=ناس ٍ تحـاول بـس قـطـع الإشـاره
فينـا ومـنّا مـار وجـيه ٍ تــلوعي = فيــنا وعسـى أهــدافـهم لانكــساره
بالشـكل والا الـدين بليّا امهــزوعي = إيـمانهـم هـو الهــوى والدعاره
ليبـرالي شيعـي انتهـازي شيـوعي = اللي يبــون البنــت تــقشـع استاره
يسعـون حتـى يتم مزعه مزوعي= وللحـين شـفـت العـيـر بـراسـه نــعـاره
يحّـول مبــلشـهم يبــون الفــزوعي = منّـي لا وا عــــزّاه لأهـــل القـــذاره
سـواقه اختلاط ودمج من كل نوعي = تفصّخ ْ يبون اسكار معها قماره
تعليم مع إعلام بشتّى الفـروعي = يبــونـهـا امـســوسـعـه بكــل إداره
هذا المخطط والهـدف في شروعي = اختلـقوا الوظـايف لأجلهـا في مهاره
مهـو عشان الحرص لاتموت جوعي = لعـــانة ٍ لاشـــك مـاهــي نمــاره
واشوفهم تمردوا بلا جزوعي = تنـسـّلـوا مـن مخـفـيـات الخـَبــَاره
وحنا اشوف أحوالنا في خضوعي = كـاد العــدو ولازال يمشـي مساره
وياهل العقول إن كان فيكم نفوعي = روموا العلا لاتتبعون الحقاره
المشي خـلّـوا المشي كـله طـلوعي = وبالـدين حـنا نـعـتـلي بالصـداره
المجد مجد الـديـن وأهـل الـدروعي = الله أكبـر فــوق هـــذا شـعــاره
بعـصـر الصحابه كـان أمـر ٍ وطوعي = سنة محـمد تشـتعل هي مناره
الحكم حكـم الله ماهـو وضـوعي = مهـنا مجــال ٍ للجـدل والإثــاره
رحـمه ولأهل الكفـر قـص الضـلـوعي = مادلبحــوا والمجد بان انتصاره
ماهو بـمجد أهل الخنــا والفـضـوعي = ولا هو استـار ولا أغـاني وهذاره
ولاهو بكنز المال وحصد الزروعي = ولاهو تعامـل بالـربا بالتـجاره
هذاك نــور الحــق فيه السطوعي = إن عــاد عــدنا وإن تركنا الخساره

وسلاااااااااااااااااامتكم

فهد عبدالعزيز المسيكي العنزي

الاخ الشاعر فهد عبدالعزيز المسيكي العنزي

صح لسانك وسلمت يمينك وبيض الله وجهك على هذه القصيدةالمعبرة

لمافيها من معاني قويه, جعلها الله في موازين حسناتك

والله يصلح شئون المسلمين في كل مكان ودائماً نتفاءل للخير دمت أخوي فهد

لك وافر التقدير والاحترام