آخر الدرب

[موسى المشعان]

اخي ادهام صح السانك ملايين


قامـت تلامـع فــي سـمـا فـكـري بــروق
وصـفـقـت بالكـفـيـن يـــد(ن) عـلــى يـــد
والصدر ضاق من الهوى صار محروق
والـلــي حـرقـنـي جـرحـهـا زاد واشـتــد
وانفـاس مكتومـة علـى صــدر مخـنـوق
واقـوم مـن ربعـي عــن الضحـكـة انـلـد
على غيـاب اللـي انـا انسـاق لـه سـوق
الـلــي لـهــا كـــل الـغــلا صـافــي بـجــد
الـلـي رفـعـت بحبـهـا عـالــي(ن) فـــوق
وهــي ارفعتـنـي بـالـغـلا طـافــت الـحــد
اللـي لهـا فينـي جبـال(ن) مــن الـشـوق
وفـيــاض وبـحــور(ن) تـلاطــم وتــنــرد
فيهـا مـن الـوردة حـلا خدودهـا الـفـوق
الا هـــي الـــوردة تـبــي تـشـبــه الــخــد
كـنــه جـمــال الـبـحــر لا شـفـتــه اروق
خـذت سكونـة مــن سكـونـه عــن الـمـد
وعيونهـا اللـي تسحـب الرمـش برفـوق
لاطـالــع لـواحــد وهـــو واقـــف انــهــد
اللـيـل بعيـونـه وفـــي وجـهــه شـــروق
وشـعـر ســوادة كـاسـي(ن) قـدهــا قـــد
زيـن الطبيعـة مـا تجيـبـه مــن الـسـوق
وانفاسـهـا ازكـــى واجـمــل مـــن الـنــد
وشلون ما اغليها وانـا انسـان مخلـوق
من شافت اعيوني فـلا اغظـي ولا اصـد
حبيـتـهـا فـيـهـا عـــن الـعـالــم فــــروق
لــو احـسـب فـرقــه وش اعـــد لا اعـــد
وجتنا ظـروف(ن) جابـت لوصلنـا عـوق
فــي دربـنـا نمـشـي واثـــر اخـــره ســـد
كـنــي وحـيــد بـعـدهـا وســـط صـنــدوق
بـجـافـي ايـامــي وبـعـلـن لــهــا الــصــد
اوالله لـوفــي لـــه بـــرب الـمــلا فـــوق
وطبـع الـوفـا فيـنـي ورثـتـه عــن الـجـد
والله لاصـبـر لـيـن مــا نـفـخـت الـبــوق
لاصــــار عــــداد الـتـنــازل بــــدا يــعـــد
لاصــار فارقـتـه وانـــا غـــارق شـــوق
والله ليبـقـى الـشـوق ويبـقـى لــه الــود