مثل السحاب الضافي

[سعود راجي الفريح]

بسم الله الرحمن الرحيم

السلام عليكم ورحمة الله وبركاته
من القصايد الجاهزه
سبق ان تشرفت بالقائها

أمام ،،،سمو امير منطقة تبوك حفظه الله

دوب زان الكيف وقناده لنا بالدله=في سلامة سيدي سلطان اخو عبدالله
جيت اهني سيدي فهد ولد سلطاني=بالزعيم اللي غيابه هز شعبه كله
انت ابوك ابو اللجميع وكل ابونا عياله=يازعل نزعل وكل ابونا سيدي نزعله
وانت بك من طبع ابوك الطيب والحنيه=فضلك الضافي على اهل المنطقه ضافله
من حقل لقيال لملج لحد الساحل=لضباء للوجه جودك سيدي واصله
يوم حلت في سماهم نكبت منكوبه= الزلازل والشقى والعله اللي مابعدها عله
اصدق من الغيث يمانك النديه جوده=صبحت في كل حله وكل بيت وحله
وسيدي سلطان ابو خالد تطول أيامه= ياعسى سود الالي سيدي تمهله
السعد حزة قدومه مرحبا بقدومه=حي والله هاالقبال وحيها من طله
ياغنات الشعب ياغيثه وياهتانه=جيته جيت سحابه يوم جت من هله
سيلها غطا الفياض وسال منها الوادي=وخضرة جرد الفيافي دقها مع جله
الخزاما والنفل قامت تفوح أطيابه=منوت أهل النوق واللي شف باله بله
في سموه زان نضم القاف والقافيه=في شموخه ساميه متعليه بجبله
اشهد انه سيدي سلطان أسد الغابه=ياحزام المملكه ياعزها يادله
يازعيم الجيش يانجومه وياتيجانه=ياغلاه وسيفه اللي يابغاه ايسله
ياالزعيم بن الزعيم بن الزعيم الشامخ=شامخ ضله وكم نفس تعيش بضله
كم بيوت تحت ضله عايشه بضلاله= بعد ماكانت بيوت سايبه من حله
والكبود اللي تئلم ضاميه جيعانه= اصبحت من طيب كفه طيبه مبتله
فيض جوده سيدي مثل السحاب الضافي= لليتيم وللعمى واللي يده منشله
ليه مايغليك شعبك يالزعيم الغالي =وانت سلطان المسمى واخو عبدالله

[محمد البويليد العنزي]

صح لسانك واعتلا شانك
قصيده جزله من شاعر جزل
كل الشكر لك
دمت بخير

[سعد النفج]

صح لسانك و نص شامخ من شاعر لا يكتب إلا الجزاله ..
و الله يديم عليه لباس الصحه و العافيه

[سالم صالح]

سعود راجي


صح السانك قصيدة جميلة من شاعر مميز ولاياتي الا بالمميز

فتقديري لك ولا بداعك

[بنت الكحيلا]

صح لسانك اخوي سعود راجي

والنعم بالمادح والممدوح

وتسلم على القصيدة الجزله

لك كل الشكر

[سعود راجي الفريح]

اقتباس:
المشاركة الأصلية كتبت بواسطة سعد النفج
صح لسانك و نص شامخ من شاعر لا يكتب إلا الجزاله ..
و الله يديم عليه لباس الصحه و العافيه



محمد البويليد صح بدنك طال عمرك

سعد النفج صح بدنك
والجزاله بما خط قلمك
تحياتي

[الرااايق]

انـت ابـوك ابـو اللجميـع وكـل ابـونـا عيـالـه
يـازعــل نـزعــل وكـــل ابـونــا ســيــدي نـزعـلــه

سيلـهـا غـطـا الفـيـاض وســال منـهـا الــوادي

وخــضــرة جــــرد الـفـيـافـي دقهامع جله

فــــــي شــمــوخـــه ســامــيـــه مـتـعـلــيــه بـجــبــلــه

اشــهــد انــــه ســيــدي سـلـطــان أســــد الـغــابــه

يــــــاحــــــزام الــمــمـــلـــكـــه يــــاعــــزهـــــا يــــــادلـــــــه

اخي الغالي سعود

شكرا على مشاعرك الجميله

اتجاه حكام هذا البلد الغالي

وكن اخي اعتقد ان بحر الصخري من البحور الجميله والصعبه

وليس بهذه البساطه

تحياتي وكل عاااام وانت بخير