ياجــ بالك ــــعـيطـ - °~*¤®§(§ شبـــكة ويــلان العـربـيـه §)§®¤*~ˆ°

**خلف بن فهد الراشد** · 21/09/11, (04:41 AM)

ياجــ بالك ــــعـيطـ

ياجعيط بالك والردي لاتوليه

وصيتي ياجعيط عن درب الانذال

الي خوية بالمفارق يخليه

لاتتبعه ياجعيط وتامنه منزال

والعبد لاتامن جانبه وتعطيه

ريق اليونه وانت اعرف بالمثال

من ماضي الايام والناس تبديه

علمآ على روس الحكاوي ومن قال

ولمن نشدك الملتقف لا تنابيه

قم وخصرة بالصمت تايه بلا فال

خله على حر المليله يكويه

جمر الغضا وتذريبه رايح الامال

خذ بالصحيح العذب واحكم عراويه

وترك دروب اهل النمية والزوال

وتمك على رجلآ تعزك هقاويه

يرفعك معه لفوق يم هامة الجال

يرفى خمالك لي بدا مايبديه

ويدراك بعيونه عن الرمل لي هال

هذا الرفيق الي ينومسك طاريه

هذا العبير الي له القلب ميال

امنياتي للجميع

خلف بن فهد الراشد

ملك البوح

**فيصل الرسلاني** · 21/09/11, (05:24 AM)

صح لسانك ...جزله من جزل

**ابو غريب العبدلي** · 21/09/11, (06:41 AM)

من ماضي الايام والناس تبديه

علمآ على روس الحكاوي ومن قال

ومن قال

الله الله عليك اخوي خلف صح لسانك مليار على القصيدة الرائعه والمميزه لله درك يابوفهد

تقبل مروري

ابوغريب العبدلي

**سالم العنزي** · 21/09/11, (03:23 PM)

خلف الراشد

صح لسانك .. بس ابي اعرف سالفتك هالايام مع حرف الميم والجيم والطاء هذه الايام هههههههه

جلعطته وهنا جعيط

صح لسانك

**سليمان مفضي العنزي** · 21/09/11, (03:39 PM)

خلف الراشد

صح لسانك الي ان ترضى

امتعتنا وننتظر الجديد دائما

**خلف بن فهد الراشد** · 22/09/11, (05:15 PM)

هلا ومسهلا ومرحبا بكم
لجوار حرفي وصيتي لجعيط الغافل
وادعو انه يطلع من غيبوبة الغفله ويتعلم

سالم العنزي
ياخوي ماتشوف حولنا وش صاير
من زنقه الدار لحارة
والامة متجلبطه بعض
والمطرود والمحبوس وجلاعيط صارو اسود
والدنيا فتات خبز بحلق عصفور
ههههههههه والدم العربي وين وين الملاين

حياك ياسالم وهلا ومسهلا بناخي
فالك طيب وطيبك كادي

خلفكم

**هندي المقبل** · 24/09/11, (02:51 PM)

الشاعر خلف الراشد

اشكرك لنثر هذا النص في متصفح ويلان

دمت مبدعا وصح لسانك