هموم يالله تفرجها - °~*¤®§(§ شبـــكة ويــلان العـربـيـه §)§®¤*~ˆ°

**الحوراء بنت نجد** · 07/11/11, (11:42 PM)

هموم يالله تفرجها00 وليدة اللحظات من عمق

أحساسي0 من القلب شكرآ لكل من عانق الأحساس

ظروف وأسى وهموم يالله تفرجها=على اللي تحمل من هموم الزمان افواج
عسى من طواها الهم يالله تخارجها= وتفرج لعين ٍ دمعها مثل ما هداج
أقاسى صعيبات الامور وعوايجها=ولا قول كود الصبر باللي به الافراج
اهادي هموم ٍ بالضماير وادارجها= على الهون لين انه يجي للعنا مخراج
يجي فارس الخيل الاصايل ويسرجها= يرد الاسير اللي خذاه الزمان وماج
وتعود الامور الى طبيعة مناهجها= ويعود الغريب لموطنه عقب زود اخلاج
وتشوف السقيمه من مجيه يعالجها= عقب غيبةٍ طالت وطول بها المعراج
ترد لطبيعتها ويبدا تغنجها = هنوف الجمال اللي تواصيفها مغناج
وتربع صحاريها ويبدا توهجها= ويشع بظلام الليل نور الزمان سراج

الحوراء بنت نجد الرياض 1432هــ

**فــرج الدهمشي** · 08/11/11, (12:38 AM)

الشاعره الحوراء بنت نجد

صح لسانك مدد الله عليك مبدعه ومتميز بفكرك دائما

تقبلي اطلالتي

**سراب نجد** · 08/11/11, (01:06 AM)

صح السانك أختي الحوراء بنت نجد

الله يفرجها لك ولكل مهموم قصيده في قمة الروعه

لك شكري وتقديري

**بندر السديري** · 08/11/11, (10:20 AM)

بنت نجد
صح الساانك ياالشااعره
ومهما قلت لن افيك حقك
فاانتي شاعره متمكنه وشهادتي بشاعريتك مجروحه
لاهنتي ياالحوراء
تحيااتي

**الحوراء بنت نجد** · 08/11/11, (02:15 PM)

فرج الدهمشي

اطلالتك الأروع عبر متصفحي

كل الشكر والتقدير لك شاعرنا

**الحوراء بنت نجد** · 08/11/11, (02:17 PM)

سراب نجد

كل الشكر لرقي مشاعرك وعذب حضورك

تقديري لك شاعرنا الرائع

**الحوراء بنت نجد** · 08/11/11, (02:22 PM)

بندر السديري

من القلب اشكر لك رقي كلماتك

وجهت نظرك وسام حق لي الفخر

به شاعرنا العذب0 لك تقديري