بسم الله الرحمن الرحيم
هذه القصيده أخر ما قلته من شعر
عساها تنال أعجابكم وتحوز على رضاكم وأستحسانكم
وهي بعنوان ما يصح من الكلام الا الصحيح
-------------------------------
راكب اللي مشتريه من الجميح
مع صعيب الأرض سوى درب له ...
صنعة اللي ما يسولف بالفصيح
عبقري ٍ والحياة مسربله ....
يوصل المكتوب مني للصريح
ياوصل له بالسلامه قبله ...
بلغه بالعلم والهرج الوضيح
راحة أشياء والبلاوي مقبله ...
والله الوهاب للعقل الرجيح
والبشر بالحالتين مطبله ....
من زمان ٍ فات ما هبنا النطيح
قاطعين اللسان راع البلبله ....
ما يوثر بالرواسي كل ريح
ولا يهز الكون ناس مخبله ....
وأثقه بالنفس ونهين القبيح
ولا علينا من كلام الطهبله ....
ولا طلبنا عون من كف الشحيح
والعطاء يا صارناقص ما أقبله ....
ولا يصح من الكلام الا الصحيح
ومن نوى طمس الحقايق تب له ....
والصراحه ذوق للوجه الفليح
وعكسها مذموم والكبد دبله ....
والرجل وأن طاب يشهر بالمديح
وأن تردى ما أحسبوا له مخبله ....
والمليح يشاد بسمه والمليح
أيتشرف والوفاء مستقبله ....
ولا يحس الجرح يا غيرالجريح
ويتناسى الغرب من لا غرب له ....
كم زعيم ٍ طاح من وقته جريح
وأنتحر ما بين ذيك وكرب له ....
والمذاهب بين سنه والمسيح
معمعه بين الدفاع وحرب له ....
ومجلس الواطين لونه فسيح
ضيقة خلق ودبلة كبد وغربله ....
بوقتنا ما فيه شخص ٍ مستريح
ومن نظر بالوقت وقته هبله ....
والسلام ختام والعلم الوضيح
راحة أشياء والبلاوي مقبله
أخوكم / سراب نجد .....
12/11/11, (04:51 PM)
رد: مايصح من الكلام ال الصيح
العرض الشجري