بـرق الحقـايــق ......!! جديد

[مشاري بن فالح]

السلام عليكم

كيف حالكم جميع ... واعتذر عن الغياب لكثرة مشاغل الحياة
من العراق متواضعه تقبلوها كما هي احبتي

:
:

برق الحقايق

ودّي انّي اسافر في خيالي بعيد= واجمع امتاع فكري في مطار الوَرَقْ
هاجسي لو تحسّس ذبذبات الجديد= الجزل مايطوفه لو سماه اختــَرَقْ
كلّ طرقٍ طرقته من بحور القصيد= غاص في غبّ بحرهْ يوم غيرهْ غـَرَقْ
ياكفوف القصايد اضربي من حديد= من على هامة اللي للمشاعر حَرَقْ
مايبي لهْ خيالٍ دام وقتي عنيد= لو شربنا خطاهم ..!! بالضماير شَرَقْ
ساحة الشعر صارت للغشيم البليد= وادفنت رمح شاعر بالبدايع زَرَقْ
من تـَلَعـْثم بحرفهْ.. صاير اسمهْ فريد = في مجلات تاجر ما بوجههْ عــَرَقْ
المنابر غزاها كلّ محفلْ و عيد= مدري انّه شراها !.. مدري انه ســَرَقْ.!!
يمدح اللي تردّى ما لفعلهْ شهيد= لجل مالٍ بخفـْيهْ في حسابه مـَرَقْ
الاسامي امحظوره لو بغيت المفيد= مير وضح الحقايق في عيوني بـَرَقْ
عن لحاهم ..حٌشِمْنا ..ماعليهم نقيد = الله اللي خلقنا .. والله اللي فــَرَقْ

شعر : مشاري بن فالح البدري العنزي ( هاجس الحرمان)

:
:

[سعود المسعودي]

صح لسانك يامشاري وبيض الله وجهك على الحضور الجميل

[سراب نجد]

صح السانك أخوي مشاري بن فالح

على هذه الرائعه والمشبعه بالمعاني

والمفردات الجزله لك شكري

[ابراهيم السلمي]

رائعة اخي مشاري

جميل جدا مادونته هنا

لك مني اعذب التحايا

اخوك


ابراهيم السلمي

[بنت الكحيلا]

ياكفوف القصايد اضربي من حديد
من على هامة اللي للمشاعر حَرَقْ
مايبي لهْ خيالٍ دام وقتي عنيد
لو شربنا خطاهم ..!! بالضماير شَرَقْ

ابدعت اخوي مشاري بن فالح

نص جميل وجزل


الله يعطيك العافية

[غموض الشمال]

وعليكم السلام ورحمة الله وبركاته
حياك الله اخوي مشاري
والف صح لسانك على هذا النص الشامخ
وننتظر جديدك بكل شوق
تقديري لك

[حمد الضوّي]

الشاعر القدير

مشاري بن فالح


صح لسانك وإعتلى شانك رائعه من روائع الشاعر
مشاري بن فالح مبدع بارك الله فيك






تحايا