لبيه يالابه

[حمد الضوّي]

اقتباس:
المشاركة الأصلية كتبت بواسطة سعود راجي الفريح

السلام عليكم ورحمة الله

بعد ماستجبت الدعوة بتاريخ 3-3-1433
بقصر المجد حضرت للوعد

ياهاجسي وياك والليله الماد=اباستفز القافيه ومتحنها
الهاجس اللي للجزيلات معتاد=لو حلقت يم الكواكب كهنها
من شان كلمه قالها الخال عواد=الكلمه اللي في لسانه لكنها
لبيه يا لابه لها جيت من قاد=اللي فصيلة دمي اليوم منها
لجيلها لو هي على ضغطت ازناد=اقطع يميني ياتخليت عنها
خوالي اللي مجدهم فاق الامجاد= مثل الجبال الشامخه في وطنها
يوم السنين الطاغيه مابها قياد=تقلب لك الفتنه على من فتنها
سيوفهم وقلوبهم باللقى حداد=تطحن سطارة روس محدن طحنها
لهم بسنام المجد منزال وشداد=يوم السنين اللي يخوف زمنها
لابه لها ماضي على عهد الاجداد=يزبنك عن صكات بقعا زبنها
حتى تساوى بالزمن زيد وزياد=صبح بها عبدالعزيز وضمنها
ماهي علوم اللي ولو قال وشعاد=ياكادته بعض المعاني لعنها
مالي بناس شالت الحقد حساد=اقلوبهم بالحقد تامر وتنها
جاملتهم مافاد مافاد مافاد=الحقد دائم مسكنه في بدنها
ياعلهم ببلاد وأنا في ابلاد=مبسوط بهالدنيا ليابعدت عنها
لو لا الخطاء ماطاحت بلاد بغداد=بيض الجنايز مالقت من دفنها

ابو فيصل

صح لسانك مليارات ونعم بالمادح والممدوح
وخوالك ونعم الخوال يستاهلون المدح وأنت ماقصرت
حضرت وبيضت الوجه ولاهو غريب عليك ذلك طال عمرك
مجمل في كل محفل لاخلا ولا عدم

ولا يفوتني أن ابارك للقدير عواد بن زبن زواج
إبنه والف مبروك وعسى ايامكم كلها أفراح




لك أجمل التحايا