اكل حقوق الايتام

[حمد الضوّي]

اقتباس:
المشاركة الأصلية كتبت بواسطة مشعل التريباني

بسم الله الرحمن الرحيم

الشاعر / مشعل عسام التريباني الشمري

(( آكل حقوق الأيتام ))

قولوا لمن ياكل حقوق اليتامـــــــا=لا يامن النكبات من رب الأربـــــــــاب
نفسٍ ذبحها قبل ســــن الفطامـــــا=بدون لايوجد مبرر ولا اسبـــــــــــــاب
زيّن له الشيطان طعم الحرامــــــا=والله عن حقوق المساكين ماغـــــــــاب
وش عاد لو زكا وصلا وصامــــا=مايقبل الله مــــــــــــــد ظالم وكـــــذاب
يزرع وزرعه مقتفيــــه الصراما=وحصدت منه ذنوب منها الصبي شـاب
حمّلت نفسك مــن كثير الأثامـــــا=ونسيت يومٍ تختلف فيه الأصحــــــــاب
يومٍ تحاسبّه جميــــــع الأنامـــــــا=في ساعةٍ به ينتهي دور الانســــــــــاب
تخيّل إنك عند ربــــــــك تقامـــــا=ويقال لك جاوب ويعرض لك كتــــــاب
وعن الامانه يسألونـك شمامــــــا=امام من كوّنك من مــــــي الاصــــلاب
امام من يحيي رميــــم العظامـــــا=قيّوم يعلـــــــــم ماتبيّن وما غــــــــاب
وتذكّر إن الله عزيـــــــز المقامــــا=هو الذي كونك من حفنة اتــــــــراب
واذكر عجائب قدرته بانتظامـــــا=تبصّرو في خلقكم ياهل الالبـــــــــاب
سبحان من يعط العطايا يالجساما=صحة عقل تمييّز من عند وهــــــــاب
يمهل ولا يهمل وعدل الحكامــــا=ويحاسب المهمل على قدر ما جـــــاب
ومن راح عقله كالنّعم ما يلامـــا=مهي تفرّق بين راعي وقصــــــــــــاب
لكن مع العاقل يحل الخصامـــــا=مايغفر الله ذنب راعيــــــــه ماتــــــاب

الشاعر القدير

مشعل التريباني

صح لسانك مليارات وبيض الله وجهك حتى ترضى
وكتب الله لك الأجر وعظيم الثواب لقد أجدت بارك الله فيك
وما أحوجنا لمثل هذه القصائد التي تتحدث عن موضوع كهذا
سلم فكرك الراقي وحضور مميز .. أنت شاعر جزل يامشعل لا فض فوك

مررت لإسجل إعجابي بماقرأت



اجمل تحيه