انا شمالي ياوقفت انوب عن اهل الشمال

[حمد الضوّي]

اقتباس:
المشاركة الأصلية كتبت بواسطة سعود راجي الفريح

حفل قبيلة عنزه بتاريخ 1-4

على شرف عتيبه
حضرت لدعــــــوة
دون تاخير

انا شمالي

الجو غيّم من صباح اليوم في دهم الخيال=صبت هماليله وجاك السيل بالوادي يسيل
من قو سيله يصتفق في جال ويعود بجال=من نجد حتى انه وصل للشامخه بيضاء نثيل
ديرة شيوخ القوم ياشانت ملاميح الليال=شيوخنا اهل الطيب والنوماس والمجد النبيل
واليوم انا باقف هنا من بعد ماجالي مجال=يارب جملني على الميقاف والعلم الجميل
الوقفه اللي ماتجملني عساها للزوال=ايه اتـهبا ماني لها صاحب ومشتاق وعميل
عني اليامني وقفت اقول يابعض العيال=ما للأصيله في زمنا اليوم ياغير الاصيل
انا شمالي ياوقفت انوب عن اهل الشمال=نطاحت الكايد هل الوقفه مزبنت الدخيل
وقفت انا قدم الشيوخ اللي عليها الاتكال=اليشلهب الوقت تلقى ضلهم دايم ضليل
الله خلقكم ياعتيبه للمهمات الثقال=ولو لا عتيبه ماخلق في وقتنا شين ثقيل
مثل الجبال الشامخات النايفات من الجبال=امجادكم يالابة الهيلا على الله وكيل
افعالكم من ماضي الدنيا وتبقى ماتزال=نحتن على صم الصفا تبقى ولا يمكن تزيل
انتم عتيبه عز يعني عال يبنى فوق عال=هقواتكم من فوق هام السحب والطايل يطيل
اهل النسب واهل الحسب واهل البيوت ام الضلال=بيوتكم لو مالت الايام لايمكن تميل
اجزال بالوقفه وبالمشيه وبالجلسه اجزال=الله عطاكم شي لايوصف ولا مثله مثيل
عقيلكم ياقيل تكفى صابها مثل الهبال=من الطناخه ياعتيبه تصنعون المستحيل
الياقبس دخانها تحت السماء وقت القتال=كفو لها ياصاحت ام الولد وشتب الفتيل

شاعرنا القدير

سعود راجي الفريح

صح لسانك مليارات عز الله ماقصرت مثلت ربعك خير تمثيل
بيض الله وجهك حتى ترضى يا أبا فيصل كفيت ووفيت شامخه بشموخك
والف نعم بقبيلة عتيبه الهيلا لاشك يستاهلون هذا المدح وأكثر هم أهلا ً لذلك
وأنت ماقصرت الحقيقه مجمل دائما ً جعلك تسلم يالبناخي جزل ولاهي غريبه عليك
الجزاله لافض فوك .. نومستنا طال عمرك

أكرر صح لسانك مدد بلا عدد





ودي وتقديري