أحبتي أضع بين أيديكم هذه القصيده التي وجهتها
كأهداء للشاعر القدير/ سعود بن راجي الفريح
{ ابو فيصل }
أتمنى أن تحوز على رضاه ورضاكم جميعا ً
( لي شهر مشغول )
قال من يمضي عليه الليل مايغفاه ساري=يوم غيره نام فوق وساد من ريش النعامه
عنده الهاجوس من كم يوم معلنها طواري=جاهز ٍ لامر ٍ يجيه ينفذه بعد إستلامه
ماستراح ولا هداء والبحث والتفكير جاري=يبترم مثل المكوك ويلتقط باثناء ابترامه
ويتجوّل للفضاء روّاد ويبوج الصحاري=والبحر لو هاج من قوة عزم وصرارعامه
ياخذ الندّر ويجمع للجواهر والدراري=وغير ذلك مايفكّر فيه ويعير إهتمامه
لي شهر مشغول كني طالب بفصل إختباري=باذل ٍ كل الجهود محاول ٍ باكبر علامه
ليت ابو فيصل رفيع الذات بالموضوع داري=ويَعْلـَم إنه هوسبب ماصارجعله للسلامه
سعود رجل ٍ لاعدمته للوفاء والطيب ضاري=بي عمل معروف مابنساه لا يوم القيامه
أدعو الهاجوس يملي بالرضى وإلا جباري=لجل أجيب من البيوت جزال وتليق بمقامه
الكريم بن الكرام الطيب عنده له مواري=مع رجال الطيب له تقدير ماقل إحترامه
ابن عمي محزمي يمناي لو تجري جواري=جعل عود ٍ خلّفه جنة هل التقوى مقامه
درع جنبي واتنومس كل ماله حل طاري=وأتفاخر يوم تذكر سيرته مرفوع هامه
لامشاله مع طريق ٍ خوف ياصل للمحاري=وأن هرج له منطق ٍ موزون مازل بكلامه
شاعر ٍ تخضع له القيفان جبري واضطراري=والجزال من القصايد فوقها بصمة بهامه
لاستهاض وقال ماله لاوصيف ولامباري=مثل بحر ٍ يذهل السباح موجه وإلتطامه
للقصايد حط له بصمات فني وإستشاري=ويتبعه جمهور والجمهور مابه يوم لامه
مايجيب البيت لامن صار من معناه عاري=له بيوت ٍ من قراها ياجد إنسه وإنسجامه
مثل روض ٍ تنتعش به روح لاهبّت ذواري=مكتسيه الورد والريحان وأزهار الخزامه
والله أني معجب بطاريه وافخر به واماري=يوم بعض الناس متساوي وجوده وإنعدامه
جاك شكري وإمتناني يابو فيصل وإعتذاري=وأختتم قافا ً بديته والسلام أزكى ختامـه
"""" وسلامتكم جميعا ً """"
11/04/12, (03:15 AM)
{{ لي شهر مشغول }}
العرض العادي
