مالوم عنتر يوم جنب عن الثور // محمد خلف الزايدي الخمعلي

[محمد خلف الزايدي]

عـزاه ياشعـر النـبـط صــاح مقـهـور
صـوتــه يـهــز الـقـلــب ياسامـعـيـنـه

يانـاس ماينـلام يصـرخ مـن الـجـور
أهــل الـركـيـك بشـعـرهـم ضالمـيـنـه

أول زمـانـه فــي عـوانـيـه مـســرورو
واخـــر زمـانــه ذاق مــــر الغـبـيـنـه

كــلاً يشـوتـه بالـقـدم شـوتـة الـكـور
غــث وسـمـيـن ومـهـزلـه خالطـيـنـه

تـال السعـاده يــوم حـزبـه لـهـم دور
عــن العـبـث باصـدورهـم حافظـيـنـه

درعه متين وماحوى الدرع محـذور
عــن الـســروق وحـاقـديـن الدفـيـنـه

شـعـر النـبـط مــازال حاضرومـأثـور
عـــنـــوان لـلـتــاريــخ يـاجـاهـلـيـنـه

هرج الوكاد إلى إنجعف شاهد الزور
عـــن الحقـيـقـه والـعـلـوم السمـيـنـه

ديوان لأمجاد العـرب ماهـو بمنكـور
قبـل الــورق مـاضـاع مــن وارثيـنـه

ماهو كلام إهيـاط بالصحـف منشـور
أحـــد يبـيـعـه بــيــع وحــــد يـهـيـنـه

زمـره تغـث الـبـال هــاوي ومـغـرور
أشـكـال حــي ونــي مــن كــل عيـنـه

حـطـاب لـيــل وليـلـتـه مـابـهـا نـــور
يــاالله عـسـى الحـيـات تـأكـل يـديـنـه

لــو قـالـوا النـقـاد هالبـيـت مكـسـور
ألقـى علـى الثنتـيـن طـيـن وعجيـنـه

مـدري عـلام النـاس ماتقبـل الـشـور
عـن السنـع درب الخطـاء ممتطيـنـه

مالـوم عنتـر يـوم جنـب عـن الـثـور
أخلـى الطريـق وحربتـه فــي يميـنـه

ماهـي مـذلّـه مــار بالـعـرف دكـتـور
عـقـل وشجـاعـه يالقـلـوب الفطـيـنـه

الـلـي تـهـور عـادتـه ينـطـح الـطـور
مايفتـهـم لــو عــاش بـاقــي سنـيـنـه

والاّ الحـيـاه دروس نـاجـح ومثـبـور

كـــلاً بـهــا يـخـتـار صـحـبـة قـريـنـه


*********