مطير طردوا عنزه آخر كذبه..........!! ردو ياعنزه

[عبدالله عايد]

اسعد الله جميع اوقاتكم بكل خير

الرميزان يعطيك الف عافيه على تفاعلك

ومطير قبيلة عريقه لها باعها بالتاريخ بس ما يمنع وجود جهال فيها

والغريب ان الحفاه من عتيبه هم اهل محافظة ساجر وساجر معروف انها للرفدي وسميت ساجر على اسم ساجر الرفدي

مع هذا الحفاة من عتيبه اهالي ساجر الان ما يقولون طردنا عنزه منها بالعكس يقولو عنزه طلعوا منها واحنا نزلناها

وهنا تظهر الثقه بالنفس

وبعد نزوح الهذال الى العراق كان منديل الهذال ما يغزو الاعلى قبائل نجد والاغلب كان على مطير

وكان هناك مطيريه تطلب الطلاق من زوجها وكان رافض طلاقها وقصدت قصيدة تطلب ان منديل بن هذال يغزو عشان يقتل زوجها

الله يلاقي بن شوقي ومنديل...........بأرض العسيبيات خد بياحي
الى ان قالت
ابي ليا جاني صدوق الرجاجيل......يقول شوقك يا الريش العين طاحي

قاسو صوابه ما يقاسونه بميل...... ياسعد عيني يوم لج الصياحي

وصلت القصيدة لمنديل ابن هذال وارسل لزوجها يطلب فيه انه يطلقها او يجي غازي عليهم

المطيري جمع مطير وقالهم سالفة منديل بن هذال وشاورهم قالو له لا تطلقها

وافق انه ما يطلقها بس بشرط .... والشرط منهو اللي يشرب فنجال منديل بن هذال اذا جاء غازي

طبعا ما حد شرب فنجال منديل وفضل الرجل انه يطلق

طبعا القصص التاريخه تكون القصيدة بمثابة الشاهد والعسيبيات من اراضي مطمير بالقرب من الصمان

ارجع اقول كل قبيلة فيها حقها

وآسف اخواني على الاطاله وتقبلو تحياتي