لـو كـل قـولً يـمـلـك لـسـان رجــال ؟ مـاكــل مـايــطـــري عــلــيـنـا نـقـــولـه !!

[!الواااثقة!]

لو كل قولً يمسـك لسـان رجـال
ماكـل مايطـري علينـا نقـولـه
ياضايعً بيـن المعانـي والاقـوال
كنت أحسبنك تفهـم اللـي تقولـه
بالشعر تضرب بالردى زيف الأمثال
وأنت الـذي مافيـك ذرة رجولـه
يامدعي قولً كسـر قلـب رجـال
نجم الثريـا .. ياثـرى ماتطولـه
يوم أنت ماتملك من الطيب مثقـال
هذاك لجل الطيـب يامـا عنولـه
أنسان صيته ينتقل عبـر الاجيـال
والقول تلقى شاهـده قبـل قولـه
الشاعر اللي ينشد الحـال بالحـال
مايجرحك بالأسئلـه مـن فضولـه
لولا المواقف منعرف كـل رجـال
الفـرق باللـي نـادراتٍ فعـولـه
اليا زبنت أزبن على طيب الخـال
فرحة ضمير اللي من الضيم جولـه
اللي معك بالجاه والحـال والمـال
وتضرب به الامثال عنـد المقولـه
قرمً مجـرب باللقـا نـادر أعيـال
لاصار حولك كـن تسنـدك دولـه
الفعل يبغى له صميـدع ليـا قـال
بالفعل يثبـت واقعـه مـع مثولـه
ماهو من اللي لا تجّمـل ولا نـال
وحبل المراجـل عاليـاً مايطولـه
خله على ياليل .. ياليـل .. يـالال
نشوة نديـمً شـاع دمـه كحولـه
ذاك الذي طيبه مع النـاس بمثـال
واقع فعوله عكـس ماهـو يقولـه
شاعر يغني له من الشعـر مـوال
يوم أنهـم مـن غيهـم صفقولـه
هو يدعى نبل المبـأدي ولا طـال
مثله كثيـر اللـي تعـرى ميولـه
بينه وبين الطيب أبـواب وأقفـال
ولاكـل بـابٍ ينفتـح بالسهولـه
للشعر وجهٍ لونه أسود من الشـال
لاصار يطعن بالخفـا ظـل زولـه
رجال يسوى بالمواقف لـه رجـال
ورجال مايسـوى مؤاطـي نعولـه
ياصاحبي طالت على كـل منـوال
كثيـر نـاسً يدعـون البطـولـه
بس البطولـه بالمواقـف للابطـال
اللي بهم طبـع الوفـا والرجولـه
ولو أنهـا ياصاحبـي رزة أشكـال
تساوت الانـذال وأبـن الحمولـه


صح لسانك على كل ماخطت اناملك من دُرر ياالنشمي

ولكن أسمح لي بنسخ هذه أعلاه

فأنني بحق أغبطك عليها بتواضع حسي الشعري

صح لسانك مليون ولايسدون وعلا شانك ياالقرم