ياخالد الدنيا عسـى الله يعينـك
محد" مشى فيها على كيـف وده
فيها الغرايب والعجايـب تدينـك
مره رخااا .. مره قساوه وشـده
وان مالت ايامك وشانت سنينك
فصل لحافك قـد رجليـك مـده
يسترك من قـل" بذلـه يهينـك
لاروحت سود الليالـي مصـده
واحذر من اللي بالرخا محتمينك
البعض لاشانـت تغيـر مـرده
واتعب على الطيب وخله قرينـك
وان شفت فعله للرجاجيل عـده
وياحر شامخ ماتوطـي جبينـك
اقبل قصيد" ما أبـي منـك رده
العين تدمـع لاطرفتهـا يدينـك
لابيـح الرجـال سـره وسـده
والاجنبي لا اخطا تخـزه بعينـك
وان عادها تلعن ابو جـد جـده
بس البلا لاجات طعنـة يمينـك
من كف رجل" للمواقـف تعـده
اللي تحسب انه من اول عوينك
بيّـن رداه وغيـر الوقـت وده
واحسب حسابك بين نفسك وبينك
لاستاحش اللي حط يـده بخـده
والله .. الله في رضـا والدينـك
قبل الظلام اللـي يوقفـك حـده
وياخالد الدنيا عسى الله يعينـك
محد" مشى فيها على كيـف وده
صح لسانك رائعه بروعة مبدعها
ماشالله تبارك الله الله يعطيك العافيه
18/09/06, (10:59 PM)
رد: الــعــيـن تـدمـع لاطـرفــتـهـا يــديــــنك
العرض الشجري