طاغي حلاها

[هيـاا العـازمـي]

المشاركة الأصلية كتبت بواسطة مشاري بن جلوي

ماعلى الدنيا حسوف ولا على الدنيا ندامه=لو تغيب اللي لعيني شوفها ليله غنيمه
طفلة ٍ طاغي حلاها تحرج البدر بتمامه=وتعدى من حلاها وصف زينب مع حليمه
يوم تقبل وتمايل عود الوكري حمامه=مايصيد ولايجيب إلا ونين ٍ من صميمه
اصل طعم المسك بشفاها بدايته وختامه=ذاب منها الحرف لقبل عطرت سينه وجيمه
لو تكلم فالمحبه بخرت بحر المنامه=والسماء لو تسكنه شفت القمر من خلف غيمه
والبلا كل البلا لو زعلو زرقا اليمامه=كن رمش العين جيش ٍ مايعرف ابدن هزيمه
لو تصله صوب ديره مابقى ريس فخامه=انتهى عصر الملوك وصارت العالم يتيمه
والشعر لامن تثنت يحجب الشمس بظلامه=تهت فيها ليلها ليل وظليمتها ظليمه
والله اني لو قسيت اذوب منها ببتسامه=ولا نويت ابعد رجعت ودوم والنيه سليمه
فارقه والشاهد الله فارقه بِمية علامه=والجمال اللي بسواها يعتبر دقه قديمه

الله عليك يا مشاري بن جلوي

ما أرروع العشق على الورق

وما أرروع حروفك .. وكلماتك

كل ما أستطيع قوله لكَ شاعرنا

أن الحروف تقف مبهورة أمامك .. لـِ تتعلم منك

فالأبداع يتحدث عن نفسه

فارقه والشاهد الله فارقه يمية علامه
.......... والجمال اللي بسواها يعتبر دقه قديمه

سبحاان من خلقهااا انشهد

وصح لله لساانك وبوحك لاهنت

تحياتي

هيــــاااا