رد ابن الذيب على جراح

[مشاعر حالمه]

ماهوب صح الله لسانـك ياجـراح && يكفـي مـن العلّـه ثلاثيـن علّـه

أنته وحكامـك هـل الكـاس لا لاح && والا سلاطيـن الجزيـره لا بـلّـه

حكام نجد اللّي ورا هضبـة رمـاح && ضلالهـم مثـل الجبـال المضلّـه

صغيرهم يلعب بكم لعـب مسبـاح && ويسد فـاه أهـل القلـوب المغلّـه

إن مد كف الطيب ماهـوب شحـاح && والـى تعـزوا دولــةٍ مستقـلـه

مانيب أزكيهم من جـا ومـن راح && يمكن يجي في صفـة القـوم خلّـه

وان كان هرجك لي ولا انته بمزاح && يما حلا بعض الحكـي فـي محلّـه

ما نشرب إلا البن الأشقر إلى فـاح && والا حليب بكار فـي وسـط ملّـه

رجل وطموحي من ورا النجم لا لاح && أكبر من اني أشتهـر فـي المجلـه

يكفينـي مـن المعرفـه والتمـداح && إني إلى ضاقت علـي قلـت : يالله

الوضع ذا مزعجني ولا نيب مرتاح && بـروح واخلـي لـك دبـي كلّـه

الله الله الللله ااااااااااااااااااااااااالله والله رد ولاأروع

بمناسبة قصيدته هذي كان فيه شخص

هذه قصة جميلة حدثت لأحد الأخوة عند زيارته لدولة سوريا الشقيقة ، وهي أنه عندما دخل إلى الشقة التي سكنها للتو،

وإذ به يفاجأ بكتابة على الجدار عبارة عن بيتين من الشعر فيها مدح للخمر ، ولكن شاعرنا أبت نفسة إلا أن يرد على

صاحب هذين البيتين بهذه الأبيات :

الأبيات المكتوبة على الجدار:

الله على اللي سطروهن على البار
صفر الغراش مسكّرات العيالي
اخير من ربع تلاقوا على النار
ما عندهم إلا الحطب والدلالي

فرد شاعرنا على هذه الأبيات بقوله :

الله على اللي ميلوهن على النار
صفر الدلال منومسات العيالي
يحطهن من يعرف الكيف والكار.
عريب جد ويفتخر بالخوالي
له مجلس مدهال لوجيه الأخيار
ولاهو من اللي يجمعون الريالي
رجل شريف بالمواجيب بيطار
لا حلت القولات ذرب الفعالي
يفدونه اللي مجتمعهم على البار
لاهم من النسوان ولاهم رجالي


بس للأسف ماعرف اسم الشاعر ..

سندريلا مشكورة فديت عمرج ولاهنتي

تحيتي لج / مشاعرحالمه _ عزوة ابوها