ملحمة (حرابة الدول) ولدعلي

[عبدالله مقبل]

المشاركة الأصلية كتبت بواسطة عوض بن خميس

مضحي بن دواس الولدعي العنزي

ونعم باهل الملحا والنعم مليون بكم فانتم رافد من روافد المجد الوائلى الخالد انشاللة . عنزة هى من تغنى بها الشعراء
من القبائل الاخرى وقد قال الشاعر عايد الشمرى هذة القصيدة الرائعة وقد اعجبتنى وحبيت اوردها بهذا السياق
مع شكرى وتقدير اخى مضحى على قصيدتك الرائعة..
قال الشاعر عايد الشمرى فى مدح قبيلة عنزة

يعني على قولة هل العرف ياحسيـن
****** لاخيـر فـي رجـلٍ بليـا جمـاعـه
ولانـي ولـدت بـدار فكاكـة الديـن
****** اهل الكرم والطيب واهـل الشجاعـه
ويلان لا وردو على المـوت عجليـن
****** فيهـم علـى ورد المنايـا بتـاعـه
الطيبـيـن الطاهـريـن النقـيـيـن
****** الخيـريـن الصادقـيـن السبـاعـه
موفين حق الجـار بالطيـب والليـن
******للجار فـي قـرب النشامـا مناعـه
معهم سليت ورحت بالمذهـب الزيـن
******راحت معاهم حفنـة سنيـن ساعـه
ثلثيـن عمـري راح يـا وي ثلثيـن
******مايـوم جتنـي العايلـه واللكـاعـه
صاروا لي الطف من غطا الجفن للعين
******وارق من حكـي الحديـث بشفاعـه
تحس في قـرب الرجـال المياميـن
******انك اخو من ((دم)) ولا ((رضاعـه))
حمّاية الوضحا مـن اللـي مغيريـن
******لاوين مـن طالـت عليهـم ذراعـه
واجب علي اذكـر فعـول الكريميـن
******اللي شروا كسب المراجـل بضاعـه
مدامنـي وافـي واحـب الوفيـيـن
******وقناعتـي فيهـم تفـوق القنـاعـه
لازم علـيّ اعـد فعـل الحشيميـن
******واترك حديـث الناكسـه والرعاعـه
اترك علوم عفون الاشـوار مهفيـن
******حـق الرجـال الطاهـره بالشناعـه
نقالة الحكـي الملفـق علـى ويـن
******بالهون ياهـل الواطيـه والبشاعـه
ياحسيـن ماتوخـذ قبيلـه بخبلّـيـن
******مادامهـم مـا يـوم جابـو قلاعـه
دحوش الرجـال مقابليـن النساويـن
******اهل الحكي والكذب واهـل الخناعـه
وياحسين قالوا في حديـث القديميـن
******تحشم كـلاب القـوم رغـم الدناعـه
وانـا لـك الله ماسمعـت المقفـيـن
******واللي مشا لـي بـاع دبلّـت باعـه
مايرخـص الغاليـن فعـل الردييـن
******راعه بقلبـي حـب الاجـواد راعـه
ياحسين جيت ونبض كـل الشراييـن
******حب عنزه باعلـى عوالـي رفاعـه
ولاتحسبنـي جيـت لانـي مسيكيـن
******ولا سـلايـل دافعـيـن الرتـاعـه
جيتك ولد مـن روس ربـعٍ عريبيـن
******شبـوب نـارٍ عـالـي بانـدلاعـه
انـا سـلايـل لابــة بالملايـيـن
******بالضبـط امـه كاملـه باتسـاعـه
شمر على عرش المراجـل سلاطيـن
******اسياد عرش الطيب من فـوق قاعـه
ان جت على الفزعات نعمك ونعميـن
******وان جت على المده تموت المجاعـه
ولا جت على وصل الرحـم للقريبيـن
******اقسـم قسـم مـا بالطنايـا قطاعـه
الحاصل ان القلـب مابيـن عرقيـن
******متساويـات بنبضـهـن واندفـاعـه
عرق النسب واسم الطنايا العزيزيـن
******وعرقٍ مع الويلان صعـب انقطاعـه
وامنت في قـول الرجـال الحكيميـن
******مربى الولد يغلب على الاصل طاعـه
ياحسين واللي نـزل الطـور والتيـن
******واللي هدى الانسـان فـن الزراعـه
ماقلتها ياحسين واقصـد بهـا شيـن
******غير الثنـا بالطيـب مامـن طماعـه
حبي لكم ياحسين اصـل المضاميـن
******ومداد حرفٍي مـع سنـاه وشعاعـه
حـرف كتبتـه ورد فـل ورياحـيـن
******وياليت كـل النـاس تقـدر سماعـه
وربـي لرددهـا بـكـل الميـاديـن
******ولو لي بعد قـدره نصيـت الاذاعـه
لاني وفـي عشّـاق طبـع الوفييـن
******وقناعتـي فيكـم تفـوق القنـاعـه
وختامها بالـورد والعطـر ياحسيـن
******مني لكـم ياهـل الوفـايالجماعـه

شكرا الشاعر عايد الشمرى والنعم بقبيلة شمر عامة

اشكرك اخوي عوض بن خميس على هذا الرد اللي يستاهل له موضوع بلحاله



تقبل ودي اخي

[سلامة الجعفري]

صح لسانك ملاييييييييييين


هذي ملحمة وشعر عالي المستوى


واذا قابلتك كأنك ماتعرف بالشعر شي ؟؟

نبغى نحقق معك والا تنزل في شبكة ويلان كل يوم قصيدة من هنا لسنة

اختر بين الامرين عاد ههههه


تقبل مروري

[سالم صالح]

مضحي بن دواس



الف صح السانك على هذه الشاااااامخة بشموخ من هي به ومليااار نعم بك وبولد علي يستاااااهلون الطيب


ملحمة شعرية رااااائعة وهي قليل من كثير في هذا المجد العريق والعتيد



كل التقدير لك اخي

[سعوط المجانين]

ولادعـة بيـن القبـايـل لمعـنـا
بتاريخنـا يحـق نفخـر ونخـتـال
للطيـب وافعـال الكرامـة قدعـنـا
وحنـا شربنـا للشيـم كـل فنجـال
الله جـمـع قلوبـنـا واجتمعـنـا
والولدعـي للولدعـي فـي وظـلال


هذا الكلام اللي عليه الكلام

صح لسانك وابيض وجه يالذيب

[فاضي عبدالعزيز]

وفرحان اخو بقشـه بـدوره رفعنـا@@راية معزي يومهـا ضـرب وقتـال

ينخـى ربوعـه للوطـن واندفعنـا@@مع اخو نورة وقفتـه مابهـا جـدال

شمال غـرب المملكـة كـم ردعنـا@@ندحر فلول المعتدي بعـزم الاشبـال

ومحمـد الفرحـان حـبـه ولعـنـا@@انا اشهد انـه لعنـزة غيـث همـال

وسعود اميـر الفـوج يامـا نفعنـا @@ جته عنـزة يحدهـا اشهـب الـلال

قال : ابشروا ياربعنا بمـا استطعنـا@@ ووردهم العـد الرهـاوي بالامحـال


صح صح صح لسانك

ولد على
ونعم ونعم فول وفعل
اهل الملحى

[الخاطر]

الشاعر الفاضل.
مضحي بن دواس.
صح لسانك ملايين يابن عمي.
انشهد انك كفيت ووفيت ياسنايدي.
ولد علي يستاهلون.الله يبيض وجهك مبدع بجد مبدع.
دمت هكذا ودمت بكل الخير والتقدير.
اخوك محمد الطويلعي العنزي.

[ماجد الغانم]

الغاااالي

مضحي بن دواس


والنعم بك وبربعك ....وكفو والله

وصح لسااانك على هذه القصيدة التي جسدت تاريخ ولدعلي وهو تاريخ يفخر به عيااال وائل عموماً

بيض الله وجهك على هذا النص الشاامخ

دمت بكل خير ....ودام هذا التميز

تقبل جل تقديري واحترامي