جـيـتي لـي الـفـكـره وصـارت قــصــيـده ؟ وصـرتي لـقــصــيـدي مـلـهــمـه وأحـتـرمــتـه - الصفحة 2 - °~*¤®§(§ شبـــكة ويــلان العـربـيـه §)§®¤*~ˆ°

**منصور الرويلي** · 11/02/07, (09:23 AM)

تعال أبكتب لك قصيده جديده = وأبوح لك سرً بقلبي كتمته
بسبك معانيها بحبكه فريده = من معدن الفيروز بسمك ختمته
أحروفها صاف الذهب عن حديده = هاجمت سور كنوزهم واقتحمته
شاعرك صعب القافيه ماتكيده = أما تجي برضاه والا غصبته
أبك أنت بعيوني تساوي بديده = لرضاك جزلات المعاني زهمته
جيتي لي الفكره وصارت قصيده = وصرتي لقصيدي ملهمه وأحترمته
هذا شعوري وأسكني في وريده = الشعر لولا هيبتك مانظمته
حبك بلغ أعلى معدل رصيده = يافرحتي وآمال حلمً حلمته
ياغلا من الغالين وأعـنـد عنيده = لولا غلاتك كان وضعك حسمته
لكن ورب البيت رازق عبيده = أن لك بقلبي منزله لو علمته
مكانتك بالقلب تبقى وحيده= وانت الوحيد اللي هويته ولمته
ألوم معك ظروف وقتً شديده =وألوم قلبً ساكنه مافهمته
قبل التفاهم ليه رحتي بعيده = اثرك تحرى زلتي وأغتنمته
تركتني رغم الظروف العنيده = وعذبت قلبي بالجفا مارحمته
( من قال أول حب موته فقيده ) = أصدق شعـورً بالمعاني كتبته
أسهر على ليل الغلا وأستعيده = بشعرً كسر ليل الرتابه وصمته
وأن روحـّـت روحي بحبك شهيده = يكفي تحس بذنب قلبً ظلمته

[/frame]

**مشعل الضوي** · 11/02/07, (09:08 PM)

صح لسانك..................

قصيدة تألقت بابداع منصور لتأتي الينا بأجمل حلة.................

لوحة فنيه من أروع ما يمكن.................

تحياتي لك..............

**سعوط المجانين** · 14/02/07, (07:08 PM)

أحروفها صاف الذهب عن حديده هاجمت سور كنوزهـم وقتحمتـه

صح لسانك يامنصور ولاهنت كعادتك لاتأتي سوى بالجزل ياجزل

**وليد الحويكم** · 16/02/07, (12:30 AM)

اخوي / منصور الرويلي

صح لسانك

وفعلاً قصيده بحبكه فريده

سجل اعجابي

اخوك/ وليد الحويكم

**شاعري** · 23/02/07, (08:56 PM)

صح السانك ولاهنت