مـن بـعـد مـتـعـب مابـقـى حـي نـبـكـيـه * كــن الـبـشــر مـن بـعــد مــوتــه ولا شــي - °~*¤®§(§ شبـــكة ويــلان العـربـيـه §)§®¤*~ˆ°

**منصور الرويلي** · 15/12/07, (10:00 AM)

لو مات راع الطيب مامات طاريه = والا الردي طاريه ميت وهو حي
مرحوم ياللي له مواقيف تحييه = وسط المجالس سيرته ترسل الضي
من بعد متعب مابقى حي نبكيه = كن البشر من بعد موته ولا شي
من طيب ساسه شامخاتً مباديه = ومن طيب رأسه مامشى سكة الغي
اللي علوم الطيب حاضـر لماضيـه = له حكمةٍ مضمونهـا ماهـو شـوي
متعب مدار الفكر هاجس معانيه = صورة خياله فيها الابعاد تشفي
صفحة بياضً عطرتها قوافيه = على الوفا ماهي خيالات منفي
له سيرةٍ مابين ربعه واهاليه = بصدورنا لو غاب تبقى كما هي ؟
وله صورةٍ مافارقت عين مغليه = رغم الفراق اللي كوا مهجتي كي
ياوجد حالي وجد من غـاب غاليـه= وجد الذي ذاق المراره وهـو صِْبـي
راضي على المقسوم والوجد طاويه = همه طواني وانطـوى داخلـي طـي
يالله ياعلام .. ماكان نخفيه = تجعل مقامه بين الانهار والفي
يالله به تلطف وترحم وتنجيه = وبرحمتك تغفر ذنوبه وتعفي
يارب ترفع منزله وانت وآليه = لك أبتهل وادعوك وارفع لك أيدي
وتجبر عزا عودن بعيده هقاويه = ياكاتب الآجال .. يالدايم الحي

**محمد الدلماني** · 15/12/07, (12:07 PM)

يالله ياعـلام .. ماكـان نخفـيـه
تجعل مقامه بين الانهـار والفـي
يالله به تلطـف وترحـم وتنجيـه
وبرحمتك تغفـر ذنوبـه وتعفـي
يارب ترفع منزلـه وانـت وآليـه
لك أبتهل وادعوك وارفع لك أيـدي
وتجبر عزا عودن بعيـده هقاويـه
ياكاتب الآجال .. يالدايـم الحـي

الشاعر منصور الرويلي صح لسانك وامين يارب العالمين

وعزالله انك صدقت

لو مات راع الطيب مامات طاريـه
والا الردي طاريه ميت وهو حـي