عــذر الــخــطــا

[عبدالله عايد]

السلام عليكم

اسعد الله جميع اوقاتكم

اتمنى ان تنال على قليلا ً من رضاكم ..

البارحة .. ليل ٍ ولا شفت زيه = جاني بحالك ظلمته ما دهاني
ليل ٍ فرق من مقدمه عن سويه = ليل المفارق والغلا والاماني
ياليل كبوات النوايا البريه = وثقل القرار ليا نطق به لساني
والعيطموس ام الجروح النديه = مابين صكات الضلوع المحاني
البارحة جتني بنيه .. ونيه = مضرب مثل كيف الدلع .. للغواني
الارض .. من خطواتها مزهريه = ولون السما .. من فوقها ارجواني
جتني تسابق رجلها المخمليه = حتى دخلت عندي وزارة مكاني
وقبل السوالف .. دنة الهاشميه = واروت هدب عين ٍ سواده رواني
ان سلهمت .. سوا على الخد فيه = وان ارمشت .. يا طووول وقت الثواني
ثم شبكت يدّينها في يديه = فلت علوم ٍ سرها ما خفاني
تقول مظلومة وذيه .. وذيه = وان الخطا موجود به شخص ثاني
في وصفها .. شخص ٍ بلاها بليه = احرج تواضعها تصرف اناني
اهدى لها .. ثم بادلته الهديه = غنى لها .. ثم بادلته الاغاني
حتى احست بارتكاب الخطيه = فزة .. طواها بالبطى ما طواني
تدخلني بربي .. وتدخل نبيه = انسى خطاها لو خطاها نساني
وانا نسيت الارض والجاذبيه = نسيت قلب ٍ من جفاها يعاني
وتطري علي ّ حروف شعر ٍ قويه = للفارس الضرغام جزل المعاني
( خري وانا راكان زبن الونيه = ما يشرب القفوات كود الهداني )
بيت ٍ لحاله ما يردد حليه = كنه على شاني .. ولا هان شاني
صح الله لسانه حميد السجيه = من عقبها يا صح ربي لساني
يابنت .. انا من لابة ٍ وايليه = واسمو بنفسي عن مكان الطماني
مدام رحتي .. ما بقى لك بقيه = وليا رجعتي .. رجعتك ما تعناني
لني مع الوافي دروبي وفيه = واحاول اعطي فوق ماهو عطاني
واهل الخيانه .. مالهم بي حظيه = شموخ جدي .. عن عطاهم حداني
(وعذر الخطا) .. لا صار مثله خطيه = مثل الرسوب بمرحلة دور ثاني

[سعوط المجانين]

واهل الخيانـه .. مالهـم بـي حظيـه
شموخ جدي .. عن عطاهـم حدانـي


صح لسانك ولاهنت مبدع ياعبدالله لامجامله

تقديري

[سعود المسعودي]

صح لسانك ولاهنت

[خلف الغريب]

الله عليك ...

جزلة من جزل ...

الف صح لسانك يا عبد الله ولا هنت على هذا الشموخ الوايلي ..

تحياتي لك...

[مزيد المزيد]

عبدالله


وش اقوووووووول وش اخلي .

عزالله انك كتبت وابدعت , قصيده تداعب نسمات الاحساس الحقيقي والشعور الصادق ..

تقول مظلومة وذيه .. وذيه = وان الخطا موجود به شخص ثاني
في وصفها .. شخص ٍ بلاها بليه = احرج تواضعها تصرف اناني
اهدى لها .. ثم بادلته الهديه = غنى لها .. ثم بادلته الاغاني
حتى احست بارتكاب الخطيه = فزة .. طواها بالبطى ما طواني
تدخلني بربي .. وتدخل نبيه = انسى خطاها لو خطاها نساني

وصف جميل وسيناريو رائع ...

هنا ارى انك اكتفيت بــ كلمة (( خطاها ))فقط وتفاجات في نهاية القصيده انه ليس مجرد خطأ عادي .

وتطري علي ّ حروف شعر ٍ قويه = للفارس الضرغام جزل المعاني
( خري وانا راكان زبن الونيه = ما يشرب القفوات كود الهداني )

هنا تعبير واضح لردة الفعل وترسيخ جميل للمباديء والشيم التي تتصف بها وتوظيف بقدره ابداعيه واضحه لبيت راكان ابن حثلين .

يابنت .. انا من لابة ٍ وايليه = واسمو بنفسي عن مكان الطماني
مدام رحتي .. ما بقى لك بقيه = وليا رجعتي .. رجعتك ما تعناني
لني مع الوافي دروبي وفيه = واحاول اعطي فوق ماهو عطاني
واهل الخيانه .. مالهم بي حظيه = شموخ جدي .. عن عطاهم حداني

هناااااااااااااااا اكتفي بالصمت امام هذه القنبله الشعريه ..


شكرا لك فقد استمتعت كثيرا بهااااااااا وبمعانيهاااااااااا

في وصفها .. شخص ٍ بلاها بليه = احرج تواضعها تصرف اناني
اهدى لها .. ثم بادلته الهديه = غنى لها .. ثم بادلته الاغاني

[بنت العبيّه]

وعـــذر...الـخــطـــا لاصــــار مــثــلــه خـــطـــــيه...

مـثـــل...الــرســـوب بـمــرحـــــلـة دور ثــــانـــي...


اللـــه عـليـك عــبداللـــه عــايـــد...


بيـــت عــن قصـــيده.......صـــح لســــانــك...

[ابوالهيثم]

صح لسانك ولاهنت مبدع ياعبدالله لامجامله

تقديري