،،
كانت هذه القصيده .. في حفل ترقيه الفريق // متعب بن جوال الوايل الرماحي السبيعي العنزي ..
الذي اقامته القبيله .. فرحةً بــ الترقيه ..
21-10-1426هـ
الشعر كلمة .. رايها إما خطا والا صواب = والرجل تحسب كلمتة عليه لامن قالها
قصيدتي .. لا جيتها صارت لي الماا .. والزهاب = كـّـن المعاني مهرة ٍ تدحم وانا خيالها
اما تجي دسمة فكر .. والا عسايه للذهاب = عيب ٍ عليّ ان ققلتها .. والنقص في مكيالها
وانا لأني شاعر ٍ يحسب لمنطوقه حساب = عليّ اباريها .. على جمع الملا .. وابرالها
من فرحتين ٍ .. داخلي تلبس من الهبيه ثياب = اضمها .. من عزتي وانام بأمـّـن .. ظلالها
ماني بصاير ضيف لا والله معزب .. بإحتساب = لذا .. برحب بإحتفال الربـّـع .. واللي جالها
يامرحبا ترحيبة ٍ .. من نورها برق السحاب = طيّب .. نباها غيمة ٍ ..طــش الوفا همالها
حين .. اتقدم للنشاما شيبها .. والا شباب = تغني عن صحون العشاا .. والدله وفنجالها
هذي ترلااها الأوله : فرحه تُــودى .. ما تجاب = ينعم .. بها راس الوفا .. من فيض جم اقبالها
والثانيه : مباركه .. فرحة مثل عذب الشراب = تكرب وجيه اللابه اللي .. عزها بأرجالها
مبرووك .. تمشي في ذرى مبرووك .. ياسمح الجناب = تستاهل العلـيـا .. ونفسك .. سمّح الله فالها
مبرووك يامتعب يا ابن جوال .. وافتحلي كتاب = دام الحروف الغــّــر .. في سيرتك شافت حالها
لأنك من عروق السطر .. باني من العزه قباب = من ترث ابوك .. وجدك .. العزه بنت تمثالها
تفخر بك اركان القبيله .. من سهلها للهضاب = لا بحـّـرت عين الحقيقه للبشر .. وافعالها
يارمزنا عن الملوك اللي لنا ستر .. وحجاب = بالوقفه اللي .. لابتك منها تسر احوالها
لحظه : ياابن جوال دور الشعر تـو .. الحين طاب = دوك .. الرساله قرقعت بالقلب .. واتوحالها
يا ابو بدر رسالتي بحنوكها ستين ناب = ومثلك .. فلا يخفاه .. مخرجها قبل مدخالها
طاعة ولــيّ الأمر .. بعد الله فرض ٍ به ثواب = عليك فيها .. واثبت الحجه على معدالها
والدار .. امانه صامته .. حديثها يوم الحساب = ما صانها يامتعب الجوال .. كل من شالها
الدر .. بنت ٍ سترها .. يـُـمنع إليه الأقتراب = لاهبت .. هبوب القشر تمرح .. بظل ابطالها
الثقه حملة جايره .. تبغا من خيار الركاب = وانت الحمول الجايره .. عليك ياحمالها
حسـّـنتك .. تحسب واحده .. وقت الصفا .. عقب الضباب = لكن : ترى غلطتك .. محسوبه .. بعشر امثالها
لاتمـّـن الثعلب .. والا العقرب .. والا بفروخ داب = ولا تنجرف لبروق صيف ٍ لو تشوف اخيالها
وانته .. تعلم .. ما تعـّـلـم .. لكن ابعاد الخطاب = من مبدأ .. الذكرى تفيد المؤمنين اقوالها
حدث قريب ابا .. اذكره لدت له عيون ورقاب = يوم ان اخـو مــرّه .. يعقد للرجال احبالها
يوم اطمعوا فينا جراثيم البشر (زن) الذباب = ثارت براكين الغضب للفتنه .. وجهالها
جمعت اوادم .. مايفرقها .. عن جموع الدواب = إلا ضخامة جسمها .. واشكالها .. وازوالها
مراكي الفتنه .. ثرى الشيطان .. مرسال الخراب = شرذمة ٍ .. عاش الدنس بقلوبها .. واوحالها
خسّـيت .. عن الديره بظل السيف .. معروف النصاب = اللي عزل جمهاتها .. عنها .. بقدح اهوالها
ماهنت .. يا أمن البلد .. لو حام في جوّك غراب = حنا رجالك يا وطن .. والمعظله حنا لها
يعني : يا هذا .. وصـّـل لهذا .. ترى اسواط العذاب = تقمع رؤوسـًا حاولت .. حرث الفتن .. واشعالها
احقادهم تكالبت .. لاننا موطن مهاب = والله كل ذرة رمـل .. من دونها رجالها
بلد .. تنامت بالشريعه .. والعقيده .. باب .. باب = ام اليتاما .. وسطها مكفول رزق .. عيالها
بلد .. على القرآن .. والسنه بنت .. مجدٍ مهاب = ماهي ديار ٍ مجدها بالطبله .. وطبالها
والله .. ما مثلك .. على وجه البسيطه من مآب = يللي وهبك الله .. قبلة من ركع يسعالها
للشرع .. والحكام .. وعيون الحسد .. تـُـملى ترااب = عيشي مثل هامة فخر يزهى الشرف لعقالها
والقافله ماعاقها عن مشيها .. نبح الكلاب = مير أرجهنو يا اذاعات الفتن .. وارسالها
رسالتي .. تمت كذا .. لكن : فلا تم الجواب = باقي يا ابن جوال .. كلمة من ذهب مثقالها
ما خصك .. ابن سعود .. بالمنصب عبث .. والا عقاب = لو منت كفو ٍ .. للقمم يا الحر ما ترقالها
يا معديها على الحق المبين = دون حقي ما افرط بشعره
ادحم الماقف على الجنب المتين = واجتمع لاشفت ناس مبعثره
متزن واسعى لـجمع الغانمين = علّني آخذ من الجمع ثمره
ماعلّي دين ٍ ولا اداعي بدين = اغلي الجزلة وادوّرها دوّره
كل طيب في لزومي مايبين = اقعد ادور عذر لين اعذره
ومن كفاني شره وقوله رزين = كّنه مسوي جميل ٍ أذكره
احذر العاقل وادسه للسنين = لكن الجاهل اكبه واحقره
وأفرح برجل ٍ معه علم ٍ يقين = كاتم سدوده وحافظ مظهره
واغلي الرجال لا مد اليدين = للكرامه رغم صكات ادهره
وأفخر برجال لحمياه عين = كل مكسور ٍ من الربع اجبره
وأنقد الرجال ابو ملسن سنين = كان كل وادي على الدرب احدره
وأهمل الرجال لاشفته يلين = بارد ٍ وجهه ولافيه انعره
واكره الرجال لابيّن حسين = مير سوس الحسد والحقد انخره
واحقر الرجال لاشفته لعين = شابع ٍ من طيب رجل ٍ وانكره
ودم ضرسي .. من نخوه الطيبين = بطيب يقدر له وجاوب مقدره
التجارب علمتني لين .. لين = قمت اميز بإندلاع الثرثرة
عّلم جنبني اصد عنه يمين = وش علي من الورق والمحبره
دام ما بالسالفة عّلم ٍ سمين = ما أناقش في علوم امكسره
أجعل إذن ٍ طين وإذن ٍ من عجين = في حضور اصوت خبث امعمره
السوالف بعضها مثل الكمين = تطرح الرجال وتجيب اخبره
ردها عني وقل درس ٍ ثمين = لعنبو رجال من غير اثمره
والله ان اتفه رجل يامسلمين = من يسلم لحيته سلطة مره
قعدت افكر بالبلد والسيل بحدود البلد = واشعلت نيران الشعر والعين طار انعاسها
من وين أبدا وانتهي والسالفه عين ورمد = تضرب هواجيس الشعر اخماسها بأسداسها
بالترفه الي ذكرها ينعش شرايين السهد = يذوب قلب العاطفه لا هبهبت نسناسها
ثورة حلا مخطورة ٍ ترمى بنظرات الحسد = وجودها يعني حسن يلغي حسن جلاسها
لا سولفت يقطر شهد من خلف نيران البرد = والموت وقت الململه لاجت تـجــر انفاسها
تلعن شياطين الطفش والفلسفه وام النكد = لا مرت بنفحت ملل تحتاس وهي ما حاسها
ما كنها الا للغلا عنوان واطناب وعمد = تغرق مفاهيم الشعر لاعشت دفء احساسها
الفاتنه ، اللينه ، الناعمه ، عين السعد = معذور لو نام الترف بين الجسد والباسها
اغفا على صوت الغلا وأقول ما عنه مصد = واصحا على " حـــدا " يـدق من الحروف اجراسها
تقول نصا بالشعر أبا اذكره كما ورد = ( عــرّب وليدك عربه والنار من مقباسها )
واردد الي يردفه واردده دين وعمد = ( بنت الردي لا تاخذه لوهو طويل ٍ راسها )
واسكت وألقا الصاعقه بالي بعد هذا يرد = ( العز بوروك النسا ، اللي عريب ٍ ساسها )
من وين ابا اهرب والعذر ما له مسافات ومسد = يا ضيق ، ضيق الدايره والنفس تطبخ فاسها
وارجع واقول ان الغلا هذا يجي عنه مصد = لأن كل عاقل خصيم لنفسه وسواسها
سلام يا أجمل ملامح وأجمل احساس وجسد = ما توخذ البنت لحسن توخذ لعزة ناسها
السيل وقــّـف واندحر ما هدم سدود البلد = ما دام كل عاقل خصيم لنفسه ووسواسها
البـنـدق ألــيـا .. ثـوّرت .. في .. بيـتها .. يا ابو ولــيـد =هـــل .. هو .. يعز شعارها ..؟!! ولا يُـذل.. شعارها..؟!!
مابين الأظــفـر واللـحـم .. وش دخل.. العــظـم البعـيد.؟!! = الغــمـه .. اللي حـوّلت لازم .. يـزول .. اسـتارها ..!!
بـيـن .. التــذاكي .. والتـغـابي .. والبــلاده .. والبـلـيد = مـدري .. ألـوم .. اكبارها ..؟!! ولا .. ألــوم .. أصغارها ؟!!
راس ِ .. لــبــس .. ثـوب ِ من الفــتــنه ..عـلى جـسـمه .. جــديد = وقامـت .. يديـن .. الـراس .. تطـلب .. من .. بعـضـها .. ثـارها ؟!!
مـسـتـفـحل .. الفـيـروس .. في .. قلب .. الورم .. وانزل صديد = والجـسم ..نفسه .. بالــورم .. صــار .. العنا .. مضمارها .!!
بـ جـيـك .. مـن هالمنـطـلق .. وصتأصل الـورم .. الحـمـيـد = أخــاف لامـن .. ولـعـت .. نعـجـز .. نطـفـي .. نارها
أكـبـــر مصيبه ..!! مشكـله .. أطرافها .. جـــد .. وحفيد = واللي خـــلق .. تصبح .. كما .. كسارها .. جبارها
مـثــل .. جـهــنـم بالحـطـب .. لا ولـعـت .. هــل من مـزيد.؟!! = لا جـات .. بـيـن عـيـال .. عــم .. أخـيـارها .. وأشرارها
والله فـلا يـشــبه .. لها .. ياراعــي القــلـب العـنــيد = ألا .. الرجال .. اللي تحــط العـقــده .. بمــنــشارها
ركــز مـعــي .. دااام .. الذهـب .. أبدا .. وأغــلى .. من الحــديد = أكــــتــم .. بـــلام .. السالفه .. قبــل .. تـفــوح .. أخبارها
طــالـبك ..!! لايــفــرح .. بها .. ملــعــونها .. ســاع .. البــريد = عـــقــب .. التجــمــع .. ينــهــدم .. بالتــفــرقـات جــدارها
وإذا .. انـهــدم .. ذاك .. الجــدااار .. وصارت .. عـــظــامــك .. جــريد = ما تــشـّـره .. الـلــوحه .. ألياا طـاحـت .. على مسمارها
أسعى .. معي .. يا ابو ولــيـد .. أسعى.. معي .. يا ابو ولــيـد = يا الله .. عسى العــجه .. تـرووح .. ولا يـــضـر .. غـبـااارها
قــّــفـيت لاحـس وخـبر .. والمشكله منـت بزعـول
جيتـك .. نوايـا بيـض .. بـ عيـون الغـلا .. واعميتـهـا
مبطي .. يا قلبي كنت كاتـب فيـك .. ممنـوع الدخـول ؟!
حاسـب .. حسـاب الضيعـة اللـي .. تونـي دليتـهـا
اصارع همومـي .. وحرمانـي .. ونظراتـي ذهـول
ماني مصدق ..!! كيف قلبـك طاوعـك .. سويتهـا .؟!!
الا أنـت .! ماصدقـت بـ غيابـه متاهاتـي .. تـطـول
خيبـة أمـل .. تقطـع يديـن الوصـل .. لا مديتهـا
والله مـن فارقـت واحـوالـي .. تـدهـور .. بـ الـنـزول
خذيـت .. منـي فرحـة ايـامـي .. والا رديتـهـا .!!
اضحك .. عن عيون البشر .. واكتم بـ قلبـي .. مـا يهـول
صدمـة .. لـو انـك شفـت سطوتهـا .. فـلا خليتهـا
حرثت قلبـي بـ الغـلا .. وقسمـت لـ جروحـي حقـول
أجنـي ألمهـا .. وانـت سبتـهـا .. ولا داويتـهـا
احس نبض القلب .. من حزنه مثـل رجـف .. الطبـول
كنـك .. جمعـت همـوم خلـق الله .. وبــه دسيتهـا
باقة مـن آمالـي ،، امامي تحت مخلاب الذبـول
يا قلب هـ الـسـكـه .! نصحتك .. ما سمعــت .. وجـيتـها .؟!!
قـام ايـتـراوالــي . مناظر صعب تقبلها العقول
ليتك .؟! عرفت عيوني بغيبتـك .. وش وريتهـا .؟!!
في كل بساطة ما بنيته .. من تعب حالي يزول
تدري .. برااافوو .. في بـرودك .. والجفـا .. هديتهـا
صبري تـفـتـفــت .. لكن جروحـك .. تعبها ما يزول
شفهـا .. علـى حطـة يـدك .. محـل مـا حطيتـهـا
يا قلـب تستاهـل .! وحــاصل صدمتــك درس ِ .. يـقـول
أثر .. النوايا البيض .. بعض احيان .. يخرب بيتهـا ؟!!
10/11/07, (11:49 PM)
ديوان الشاعر:::بدر الحنيف:::
العرض العادي
