]شرهة الشعب ...!!!
--------------------------------------------------------------------------------
شرهة الشعب يابومتعب كبيره
ياملكنا عسى عمرك مديد
دام عزك رخا في كل ديره
وانت معروف بالرااي السديد
بامر رب سهلها مع غديره
تعشب الارض بالخير وتجيد
المواطن معلق بك مصيره
(خمس)بدل معيشه ماتفيد
بك تعنزولاغيرك نصيره
بعد خالق سماها والعبيد
يدعي اللله بسره والجهيره
عل تدرس اوضاعه من جديد
وابومتعب عليه يهل خيره
وينعم بصدق بالعيش الرغيد
ويتنفس شذى الورد وعبيره
من ديار لها مجدتليد
خالق الكون وحده يستخيره
منهج الحق عنه مايحيد
لكل شي بها الدنيا نظيره
ماخلق شي الا له ضديد
حكمة منه لاقاسى مريره
بدله عنه بامر له عضيد
خاطر قلت ابعث لك قصيره
يابومتعب واهيجن به قصيد
والنفوس الضعيفة والحقيره
شورهم لاياخر اويزيد
كل حاقد يبا يلقى مصيره
مانحسب ولنا راس عنيد
مانهابه ولو نسمع زئيره
ناقف بوجه شيطان مريد
وين ماراح شلفانا خطيره
ننحره من وريده للوريد
وين ماراح بسيوف شطيره
نرهب الظلم في صدق الوعيد
قولنا فعل ورجال جديره
كل فارس سطر قلبه حديد
ماعلينا ولو نادى نذيره
وماعينا ولو صاح بوعيد
المواقف عظايمها صغيره
بالعزيمه وفي باس شديد
كان غيه ...!!معمي له بصيره
له رجال تزعزع كل حيد
وانت ياسبط حكام الجزيره
بيدك الامر والراي السديد
09/02/08, (09:06 AM)
شرهة الشعب ...!!!
العرض العادي
