الروض أخضر

[نايف الشبيعان]

قصيده حينما كنت في وقت الربيع بالقرب من قرية (قبه)
والقصيده وصف لماكنت أعيشه في تلك الأيّام
أتمنى أن تحوز على رضاكم وإستحسانكم

الروض أخضر والهبايب نسانيس=والليل أقمر والخباري ملايا
والعشب شابك مدّ شوفك ولا ديس =قفرٍ خلا ماجاه ذودْ وشلايا
فيه أمّ سالم رحبت بالعواسيس=ونوّارة الحوذان تعطي تحايا
مرتاح بالي دون همّ وهواجيس=وأقصد وأهيجن من خلاي بخلايا
والحمد للمعبود مابي وساويس=وأقول يالله لاتخيّب رجايا
لا صرت متعافي ولا بي حواسيس=حصّلت مطلوبي وغاية منايا
ماني من التّجار ولّا المفاليس=القى فطور الصبح وألقى عشايا
وإن نمت مالقى في منامي كوابيس=مرتاح مابيّه جروحٍ سطايا
أمشي علىالموتر بذيك التضاريس=وأسوّي الفنجال محدٍ معايا
الله ولا شوفت وجيه معابيس=اللي إذا جوني تنقّض بلايا
جلست خلا الذّ من جلست الهيس=اللي يعذربني ويضحك معايا
لا سب لا غيبه ولابه تلاغيس=ولا سخف هرج ولا مغازل صبايا
أعوذ بالرحمن من همزة بليس=وأناجي اللي عالمٍ في خفايا
واليا بغيت أونس النفس تونيس=كلّمت أنا اللي ماتداني بطايا
بنت الرجال اللي تحوش النواميس=النادرين أهل الصحون الملايا

وسلامتكم

[هندي المقبل]

الشاعر نايف الشبيعان

وصف يجعل القاريء يعيش هذا الجو

مبدع كعادتك وقصيده زاخره بالوصف الجميل

صح لسانك وتقبل مروري واعجابي بما تكتب

[سعود المسعودي]

الشاعر القدير




نايف الشبيعان


بارك الله فيك وصح لسانك وعلا شانك



قصيدة بدون مجامله جزله ولاهي غريبه عليك الجزاله



دايم وانت جزل


تقبل مرور ودمت بصحة وعافية

[الصقار]

الاخ العزيز ..نايف الشبيعان
صح لسانك ...مثل ماستمتعت بهذا الجو الجميل ...نحن نستمتع بقصائدك

تقبل مروري ودمت بخير...

[البدر]

الشاعر نايف الشبيعان

بيض الله وجهك على هذا الابداع الوصفي المميز

صح لسانك

[خلف الغريب]

رائع يا نايف في كل حالاتك..

وصف رائع وجزالة وقيم واخلاق رائعة ...

فعلا هذه الحال من لذائذ الدنيا ...

الف صح لسانك ولا هنت ..

تحياتي..

[نايف الشبيعان]

السيف القادم

صح بدنك ولاهنت


ولن يكون الإبداع إلى بتشجيع من هم بأخلاقك العاليه


شكراً لك على مرورك وتقبل تحياتي وفائق إحترامي