بنت الرجال تشوم عن درب الانذال ..

[عليا الشمري]

مصافحه أولى كلي أمل أن تجد في ذائقتكم الراقيه ترحيبا وقبولا ..

بنت الرجال تشوم عن درب الانذال=وتبعد جنابه عن دروب الرديه
ماهي في درب العشاشيق تختال=ولاهو طموحه يوم تصبح خويه
ولاهي بتشرى بشحن هاتف وجوال=ولا لا ولاتشرى بعطر وهديه
ولاهي من اللي كل يوم(ن) لها حال=وعنده من الاصحاب عشره وميه
اليوم مع هذا بلا شك وجدال=وبكرى مع هذاك تعقد يديه
هذاك ترسل له من الحب مرسال=وغيره معاها بالمسنجر سريه
تضحك عليهم واتغنج وتحتال=وهم ياحرام يجون باجزل عطيه
أحد(ن) تبي منه أسوار وسلسال=وأحد(ن)فواتيره يسدد هديه
وأحد(ن) لها يحول ألوف(ن) من المال=وتضحك وهي تقول دينك عليه
وش ينفعه لاقيل بالأسم رجال=والبنت تلعب فيه صبح وعشيه
أنا اشهد انه لو لبس بشت وعقال=ماجمله بشته بعين اجوديه
ووش عاد لو هو مالك قصور واموال=واسمه مسجل شيخ وسط الهويه
الشيخ من بيته للاجواد مدهال=ماهو بشيخ فلوس لارحم حيه
وبنت الرجال اللي تعزوى بها رجال=عينه على الاشباه ماهي شقيه
مايشوق بعيونه سوى طيب الخال=اللي يدينه من عطاها نديه
عينه على الطيب تناظر وتختال=ولد الرجال اللي علومه غنيه
ولو كان مايملك بيدينه ريال=ويده من كنوز الدراهم خليه
يكفي ألى من مر ذكره بالامثال=والكل قال ونعم ياحي حيه
ألماسة(ن) ماكل من هامها طال=وكل(ن) يبيها بس ماهي دنيه
مصيونة(ن) عن قول حاسد وعذال=ومحشومة(ن) عن درب ذم وخطيه
تخاف من هرج(ن) يجي فيه محتال=حكيه شهد مدسوس في سم حيه
الطرف يغضي غصب لاشاف رجال=والعين ماله بالنظر مقدريه
هي مهرة(ن) مايعسفه كود خيال=ذيب(ن) سنافي عز من هو خويه
حر(ن) شلع مابين هامات وجبال=له نظرة(ن) ترث بالاعماق كيه
على النقى يصبح لها في وظلال=قدام كل الناس ماهي خفيه
بوضح النهار بدون ريبه ولا اقوال= الصح واضح والخطيه خطيه
هذي هي اللي تنشرى بغالي المال=ويرخص لها الغالي وتشرى يديه
وهذي تساوي بعزته ألف رجال=وش عاد لو هي بالمسمى بنيه
وهذيك ماتبغى ولو مهره ريال=ولااحد(ن) يبيها كود خبل(ن) دهيه
سبحان من هو فرق الناس بااشكال=وألوان وأفعال(ن) وحسنى وسيه
ومثل مافيه رخوم بالناس ورجال=أيضا بنات الناس ماهن سويه

تقديري للجميع

[هندي المقبل]

الطرف يغضي غصب لاشاف رجال === والعيـن مالـه بالنـظـر مقـدريـه

صح لسانك

قصيده تحمل الكثير من المعاني الجميله

ننتظر المزيد والقادم احلى ان شاء الله

[الصقار]

الاخت العليا

صح لسانك قصيده جميلة ...
تقبلي مروري مع تمنياتي لك بالتوفيق

[شمــــــــوخ]

/

العلــيا }



يجِفُّ الحِبْرُ عِناداً وخَوفاً من الإِنْكِسار أمام

جَبَرُوتِ قَلَمِك المُخْمَلِي .,

فَقَط أَشْبعِيْنا بحِسِّك المُرْهَف ..

/

كل الود

شمـــــــــوخ

[شيهانه]

صــــــــــــــــح لسانك

العليا

قصيده رااااااااااائعه
ومصافحه
استمتعنا بهاا
,,,,,,,,,,,,,,,,,,,,,,

[سعود السيف]

ومثل مافيه رخوم بالنـاس ورجـال
............أيضا بنـات النـاس ماهـن سويـه

.

ومثل مافيه رخوم بالنـاس ورجـال
..............أيضا بنـات النـاس ماهـن سويـه

.

ومثل مافيه رخوم بالنـاس ورجـال
.............أيضا بنـات النـاس ماهـن سويـه

لله درك


لله درك


لله درك


صـــــــح لسانك


قصيده رااااااااااااااااائعه

ومصااااااااااااااااااااافحه

استمتعنا بهاا بلا حدود


تحيااااااااااااااااااااااتي

وتقديري

[ماجد الغانم]

الأخت الفاضلة

العليا....
يشرفنا انظمامك الينا ..وياهلا ويامرحبا فيك

كم سعدت وانا ارى اسم العليا هنا ...
في هذا الصرح الشامخ .... وخاصة ً وان خلف هذا الأسم شاعرة كبيرة وقديرة

فالله يحييك يابنت الرجال والطيب...
..........
.
.
وصح لسااانك على هذه القصيده الشااامخة والجزلة

والمصافحة الراائعه

وماهذه التحفة الا اكبر دليل على شاعرية العليا ..

لله درك اختي الفاضلة .... نتمنى تواصلك وابداعك بشغف

وانا اعلم بأن جعبة العليا تزخر بالعديد من القصائد الجزلة

فلا تحرمينا منها
.......
.
.


دمتي بكل خير ...ودام هذا التميز
تقبلي جل تقديري واحترامي

....
.