لوحة حروفي

[وليد الحويكم]

السلام عليكم ورحمة الله وبركاته


يسعدني ان اقدم لكم هذه القصيده واتمنى ان تحوز على رضاكم

يا حزن ليتك حروفي وانزف اوجاعي وابوح=وارسم بحبري شجوني لوحة ٍ عكس النهار
واحكي حكاية غرامي وابتدي نكأ الجروح=وانصهر في كل ذكرى مرت بذاك القطار
ودمعت عين القوافي من بدى ذكره يلوح =قلت ابمسح كل دمعة من دموعك باختصار
سبة الفرقاا بعيني لو بغى العالم ينوح=ماوصف للناس حزني من كبر حجم الدمار
وادبرت ذيك الليالي وانكبح فيني جموح=وانلحى غصن ٍ يشيل الوصل بعذوقه ثمااار
ازرع الرمضا اماني وادري الرمضا شحوح=هذي احوال الهوواوي ماله بدربه خيااار
هذا اخر ماجنيته من غرابـــــيل الطـــموح =انكســــار ٍ اكــبر اكــبر من مجرد انكساار
ااه ياشوق اشتعالك يغلي العشق ويفوح= ويتكثّف بالمحااااني لين يهــطل بانــــهمار
وانتهت لوحة حروفي ترسم العبرات ضوح=يا نهاار الحزن قل لي موعد اسدال الستااار
ميزة الشعر الحقيقي فيه معنى وفيه روح=واجزم ان الصدق اعذب لو بغى كذبي يغاار

وسلامتكم




وليد الحويكم العنزي

.

[الصقار]

ميزة الشعر الحقيقي فيه معنى وفيه روح
.................................................. ....واجزم ان الصدق اعذب لو بغى كذبي يغاار

وليد ............صح لسانك ..قصيده جميله ..تقبل مروري ودمت بخير

[خلف الغريب]

ازرع الرمضا اماني وادري الرمضا شحوح
.......................هذي احوال الهوواوي ماله بدربـه خيـااار
هذا اخر ماجنيتـه مـن غرابيـل الطمـوح
.........................انكسار ٍ اكبر اكبـر مـن مجـرد انكسـاار

حضور شعري جميل اخوي وليد..

الف صح لسانك على مشاعرك الشعرية الراقية ....

تحياتي لك واسمح لي فقد قمت بتنسيق القصيدة ...

[وليد الحويكم]

ابن هندي


مشكور على مرورك

وتقبل تحياتي

[وليد الحويكم]

اخي


خلف الغريب

صح بدنك وماقصرت على تنسيق القصيده ومرورك وكلامك الطيب



تقبل تحياتي

[نايف الشبيعان]

وليد الحويكم صح لسانك ولاهنت قصيده جزلة من شاعر جزل

تقبّل مروري وتحياتي لشخصك الكريم

[وليد الحويكم]

اخي

نايف الشبيعان

صح بدنك وتسلم على هالكلام الطيب

تقبل تحياتي