بعض نماذج الشعر على الجدران - °~*¤®§(§ شبـــكة ويــلان العـربـيـه §)§®¤*~ˆ°

**فهد السلقاوي** · 29/11/08, (11:34 PM)

أشعار غريبة

قلبي قبل فرقاك ما ينقص الزيت **** واليوم أزيده في كل مشوار علبه

الحب قطع قلوب البعارين****حتى الحمير السود يلعن جدفها

وفي هذا البيت أنا أجيز الشاعر فقد عبر عن حبه بصوره شعريه رائعه والقصيده عموما جيده:
يا ليتني في جيبك ريال مقطوع****يبقى معك ما يقبله اي دكان

وهذا مسوي فيها أحمد شوقي هو ووجهه :
ان لم تكن في كل الامور ذا عزيمة****فما عندك اليوم ماعند جدتي

وهذا ضايق من حبيبه بجد , الله لا يضيق علينا :
اضيق لي شفتك مع الناس مرتاح ****وارتاح لا ضاقت عليك الوسيعه

أنا لله وأنا إليه لراجعون حتى الموضه دخلت الغرام:
شريت لي ثوبٍ على شان لقياك **** والثوب راحت موضته ما لبسته

صوره شعريه أخرى تجسد الفكر لدى الشاعر:
أحزن على فرقاك مثل الوراعين**** لآ مروا الدكان وأسرع أبوهم

وهذا شاعر ما ينشد به الظهر , لأنه مازج الحضاره بالأصاله :
هات الذلول وهات قوطي سفن اب**** نغزي ديار القوم وناكل جلكسي

وهذا يعاني من مشكلة الإنشغال على الفاضي :
يامال فرقا العين كان ادفنوني ****وفارقت أنا الدنيا وانا عندي اشغال

وهذا آخذ مقلب بنفسه :
قالت أحبك قلت ماهي غريبه **** سيارتي كشخه وانا حيل مزيون

وهذا حب كهربائي :
أنا رفيقك لا ضرب كهربك شوط **** أفزع بسكروبي وأفك الضفيرة

وهذا الأخ زاحف من جد :
كان الوعد مابيننا حذفة احجار **** ومن كثر شوقي له حذفت وفلقته

غزل عربجـــــــــي ههههههههه
حبك حشرني حشرة القير بثنين **** الضغط سته والتواير مصاليخ

**هبوب العنزي** · 30/11/08, (09:13 AM)

اعترض يافهد لو سمحت لاتكسر مجاديف الشعراء الى يكتبون على الجدران تراي وحده منهم

يا اخي هذي موهبه والدليل البيت الى كتبته بالنسبه لي اعتبره احسن من المعلقات

احبه عدد ماصوت العبيد لاوباما\\\ وادمنت انا حبه ادمان صنعا للقات

هبهوووووبه العنزيه<<االاسم الى بنزل فيه للساحه بأذن الله

**جبار بن عابر** · 30/11/08, (01:16 PM)

شكراااا يافهد

والله اني احيانا يستوقفني كثيرا جمال مايُكتب على الجدران للاسف ....

خذ عندك...

لا والذي تسجد الجباه ُ له = مالي بما تحت ثوبها وطرا

ولا بفيها ولا هممت بها = ما كان الا الحديث والنظرا

--------

حنا ....... قاطعين الاشارات = مسك الفرامل عيب والموت سنه

--------------

احترامي

**البحتري** · 30/11/08, (07:15 PM)

أبيات فكاهية جميلة

أستمتعت بقرائتها

شكرا

**فهد السلقاوي** · 30/11/08, (09:20 PM)

والله انكم صادقين ولكن استثمر موهبتك في الكتب والجرايد يعني نزلها عللى الجريده

هبوب غيري اسمك الى هبهوبه
لني اول مادخلت المنتدى احسبك رجل
هههههههههههههه

**شمــــــــوخ** · 30/11/08, (09:24 PM)

/

يعطيك العآآآآآآفيه فهد

نمآآآآذج مضحكه :d

/

لاهنت

**فهد السلقاوي** · 30/11/08, (09:28 PM)

انا ابحث في هذا المنتدى على مايسعد الا عضاء

شكرا