تفضــل يا ســــلامـــة

[نافع عيد الجديد]

نافع عيد الجديد

ياسلامه ياكبير القـوم=كبروك القوم يالغالـي
نعم فيك ومايجيك اللوم=مثلكم للحمل يشتالـي

سلامة الجعفري

مرحبا بك والعلوم علوم=في سماك غيوم وخيالي
ماعليك الزود يالشغموم=جاك رزقك يابعد حالي

نافع عيد الجديد

البقابك وارض بالمقسوم=منزلك ماهـو بمنزالـي
شيختك صحيح والاحلوم=رشحوك الربع طوالـي

سلامة الجعفري

العرب تعرف طيور الحوم=والصقر في مرقبه عالي
هيه يانافع ياعيب الشوم=صرت راعي قيلٍ وقالـي

نافع عيد الجديد

انت لا معطى ولا محـروم=والحمول اخفاف وثقالـي
امسك اعصابك عساك تدوم=ليه دلوك يصفق الجالـي

سلامة الجعفري

ماغزيت الفرس والا الروم=خل باق العلم فـي بالـي
منـك لله ماعلـي همـوم=مستريح وخاطري خالـي

نافع عيد الجيد

انت ماتدري وصح النـوم=جاهل في بعض الاحوالي
من دخل بسوق غير يسوم=مايجيـه قليـل المـالـي

سلامة الجعفري

منكشف لي ظرفك المختوم=لو معك حيـلات تحتالـي
مار يوم السوق جا مزحوم=ماعطو لك قدر واجلالـي

نافع عيد الجديد

ظرفنا مرك وهوملغـوم=به خطوط الوان وشكالي
لا دخلنا سوقها لويـوم=خصمنا نصليه بالصالي

سلامة الجعفري

الملون ماهو بمعلـوم=جنبه ياطيـب الفالـي
كل شيخ سلموه ختوم=حط لغز وشوف حلالي

نافع عيد الجديد

في ضنونك ماني بملزوم=ضنكم مايعجب الوالـي
انت جابك حظك المشؤوم=والدروب اقصار واطوالي

سلامة الجعفري

جعل حظـك بالحيـاة يقـوم=ثـم تـدرك كـل الآمـالـي
لجل وان وصلت للمس خشوم=نكتفي بـك عنـد الاهوالـي

نافع عيد الجديد

من هنا بصدر المرسوم=الخطر عن وظعنا زالي
مثلنا دايم قوي اعزوم=وانت بالميقاف ماتبالي

[سعوط المجانين]

الله الله

صح لسانك وفي انتظار سلامه

[تركي صالح]

صح لسانك يا نافع الجديد

على هالبيتين الرائعه

وبنتظار مشرفنا سلامه الجعفري

ومتابعين ...........

[خلف الغريب]

يا الله اني بوجهك ..

اشم رائحة معركة ستدور رحاها في هذا المتصفح ..

ناافع ..

صح لسانك وبانتظار مشرفنا العزيز الشاعر سلامة الجعفري..

[سلامة الجعفري]

حياك الله يانافع

مرحبا بك والعلوم علوم=في سماك غيوم وخيالي
ماعليك الزود يالشغموم=جاك رزقك يابعد حالي

[سلامة الجعفري]

اشكر جميع من مر لاهنتوا


احترامي وتقديري

[الصقار]

رائعين ومبدعين - واكيد رايح نستمتع بهذه المحاوره


تحياتي للجميع