باالشدايد كن مامخلوق ناس

[عايدالعنزي]

يازماني ليه في وجهـي عبوس=ليه هذا الجوروابـن ادم احساس
اه من وقتن نجـح فيـه البلـوس=شين لهل الخير وطيبه للخساس
ما يفوز ابوقتنـا غيـر النجوس=وطيب ا لنيات جت لـه بنتكـاس
حيلتي ياحترت عضيت الضـروس=والليال السود تمشي بنعكاس
همي اللي داخل القلـب امغروس=من شقايا زال ما بي من حماس
كيف اصقوراحرارتحكمهم ابسوس=وحولو من ماكرالطيب الطفاس
صار راع الطيب من عنده افلوس=واردى خلق الله بفلوسه يراس
ا ن قعد وان قام تخضعله انفوس=وان بحثت لمرجعه ماله اساس
لعنبو دنيا تـدوس الحـال دوس=مثل اثيابي صارت اهمومي لباس
من جفاها كم حفضت من الـدروس=وا شربتني علقم الامراركاس
شا يلن هم التعاسه والنحـوس=كل مـا قلـت اتفـاءل صاريـاس
حر نفسي ما شين تقل امحبوس=والصبر متجاوز احدود القياس
بالرخى ياكثر صدقان الجلوس=وبالشدايد كـن مامخلـوق نـاس
لو مشولـك بالظـلام وبالشموس=وسط عرق الدم يمشون احتباس
عزي لمنهو حامينه ومحـروس=مـايشـوف ويستفيـد الا التعـاس
اجتمع خايب رجى بربعٍ اتعوس=وضحكوله والغطاء فوقه اطياس
السنتهم شطرها شفرات موس=والعيون اسهومها ظربـات فـاس
سيرت الانذال طاريها يحوس=وقدرهم تحت المواطـي والمداس
لعنبو عرقن ثماره فيه سـوس=وأعسى زرع الردي يصبح يباس
طعنتن بالقلب لنسانأ حسـوس=ماتهمه والمصادر من انجـاس
البحر مايقارنونه بالرسـوس=و الذهب وزنه ذهب ياهل النحاس
انتبه تمشي ابدرباُ به عكوس=الحذر لايخدعك درب الدماس
فوق راسه ماخلق الله روس=الرفيق الي فهـم كـل الحواس
الصديق ويفهم الفكرالهجوس=غيرهالمخلوق وين القى ونـاس
اشهدانه حب راس اللطيب بوس=واخذ كل اللطيب لفعاله وباس
قالها من عس مع ناساُ أعسوس=عسها ابنهار وبليل النعـاس

[رابح الغضيان]

الشاعر//عايدالعنزي

صح لسانك

رائع ياعايد

بحق انت مبدع

دمت ودام هذا الابداع

تقبل مروري واحترامي لحرفك الراقي

تحيااااااااااتي

[سالم صالح]

الشاعر الرائع


عايد العنزي

ابداع يعانق السماء حاملاً معه كل صفات الجمال



قصيدة فيها من الحكم الشيء الكثير وواقع ملحوظ اجاد الشاعر في ترجمته في قصيدة كالبدر



تقبل تقديري واحترامي

[شاعر البيتين]

صح لسانك ياعايد وبيض الله وجهك على هاالرائعه


سلم أحساسك .........ونبضك








تحياتي وتقديري

[سعود المسعودي]

الشاعر//عايدالعنزي





صح لسانك إلين ترضا



قصيدة جزلة من رأس جزل بالمعاني




أبيات عانقت الأبداع

[تركي صالح]

بالرخى ياكثر صدقـان الجلـوس
-------------- وبالشدايد كـن مامخلـوق نـاس

عزالله انك كفيت ووفيت

صح لسانك

وبيض الله وجهك على هذه الروعه

وتقبل خالص التحايا

[خلف الغريب]

من جفاها كم حفضت من الدروس
...................وا شربتني علقـم الامرار كـاس
شا يلن هم التعاسـه والنحـوس
...................كل ما قلـت اتفـاءل صار يـاس


الجميل عايد العنزي..

الف صح لسانك ولا هان منطوقك ..

تشخيص لشيء من الواقع وحالة الانتكاس الاجتماعي ولكن ولله الحمد الخير لا زال موجود عند اللي مثلك وشرواك..

تحياتي عايد..