الله ياخذني قولي آمين يابنت**

[سعد النفج]

تلبية لرغبة اخوي / سالم صالح أقدم لكم الابيات و اتمنى ان تنال استحسانكم ..

الله ياخذنـي قولـي آآآميـن يابـنـت=ويحطني داخلـك مـا بيـن الاضـلاع
ابسكن ضلوعـك سنـه دامنـي منـت=مونت سفيـه ٍ مـا يراعـي للاوضـاع
واذا عـن جمـوع البشـر مـا تبينـت=قولي لهم .. سعد على ما اعتقد .. ضاع
واذا جلسوا حولك وانا غصب هيجنـت=تنحنحي .. أو .. طقطقيلـي بالاصبـاع
أو قولي اسكت يا صدى الصوت لا هنت=وانا فطيـن و عـارف ٍ درب الاسنـاع
ليا حانت اللحظه وانا لأمـرك اذعنـت=أغيـر الـمـوال يابـنـت و بـسـاع
تدريـن وش نـاوي أسـوي و زينـت=نـاوي أقلـد دقـت القلـب بـإسـراع
واذا السنـه مـرت وبفراقـك ايقنـت=ابنقـش اسمـي بالحشـا نقـش ملتـاع
واذا الجماعه قالوا: العـام ويـن أنـت=الشكـوى لله قصتـي مـا لهـا اقنـاع
حتى لو احلـف بالـذي فيـه آمنـت=قصـه خياليـه و فـي نسجهـا ابـداع
يا منتهى العفه تـرى صِـدْق حزنـت=روفي بقلـب ٍ ضيقـت فيـه الاوجـاع
يكفينـي انـي فـي خيالـك توطنـت=ما هوب لازم مسكني بيـن الاضـلاع

[خلف الغريب]

القدير شعرا وخلقا سعد..

وما اجمل مسائي مع هذه المقطوعة الفاتنة ..

لله درك على هذه الرائعة يا ابو شايش..

بس والله نبي نفقدك سنة .. حقيقة ما نقدر

ابدعت كما هي عادتك ايها الجميل وشكر لشاعرنا سالم صالح على هذا الطلب الجميل ..

تحياتي..

[نافع عيد الجديد]

الغالي سعد النفج
صح السانك ملايين

دام هذا الابداع

دمت بسعاده

[سلامة الجعفري]

ياسلام ياسلام

خيال في منتهى الروعة
وبداية جميلة
وختام اجمل من الجميل

الف صح لسانك والف لافض فوك


اسجل اعجابي بكل ماتقول


لك الود والتقدير

[رابح الغضيان]

عشااااااان كذا اتصل يارائع ماترد؟؟؟؟؟

طيب ياآبا شايش,,,,

صح لسانك مبدع فديتك

وبعدين مايمنع يكون الجوال معك حتى وانت هناك

على ماأعتقد يكون فيه ابراج وانا ماني متأكد لأني جاهل في مثل هذه أمور

صح لسانك مرة ومليون مرة

تحياتي لك،،،،،،،،،،،،

[شيهانه]

صــــــــــــــــــــــح
لسانك

وحقأ قصيده رائعه تستحق
التصفيق

سلــمـــتــ

[الجادل]

المبدع سعد النفج

صح كلك على هالرآآآئعة

راقت لي كثيراً

كعادتك بآآآسق بـ دوحة الشعر

تحيتي