حنا على البحرين - °~*¤®§(§ شبـــكة ويــلان العـربـيـه §)§®¤*~ˆ°

**محمد العريعر** · 02/03/09, (11:51 PM)

حنا على البحرين !!؟

عندما تكون الامور خارج نصابها للتاريخ وحده تكون الكلمة ،

بمناسبة التهديدات الفارسية

لمملكة البحرين ومارافقها من مراوغةفارسية مكشوفة كانت هذه القصيدة ..

حنا على (البحرين ) درع ٍ وسورين

،،،،،،،،،،،،،،،،،،،،،، نقطع يدين المعتدي والمعادي

شي ٍ نعرفه من قديم ٍ وهالحين

،،،،،،،،،،،،،،،،،،،،،، مايستسيغ الرأي من كان غادي

عن (المنامة ) كلنا مستعدين

،،،،،،،،،،،،،،،،،،،،،، و فزعاتنا ماهي بحاجة قيادي

لترابها تركع كفوف الموازين

،،،،،،،،،،،،،،،،،،،،، حصن الخليفة كلنا له نفادي

سود العمايم وجههم به سوادين

،،،،،،،،،،،،،،،،،،،، حنا كعام الفرس قبل المنادي

معنا لهم شي ٍيخبرونه وزين

،،،،،،،،،،،،،،،،،،، رضيعنا يشتاق له بالمهادي

مجد ٍلهلنا قبل الإسلام بسنين

،،،،،،،،،،،،،،،،،،، (ذيقارنا) بوجيههم تستعادي

للفرس به دين ٍ قديم ٍ ورى دين

،،،،،،،،،،،،،،،،،،و حنا نقرر وش يكون السدادي

نعيد وسم ٍ صار بين الحجاجين

،،،،،،،،،،،،،،،،،، بين العرب حنا عليهم سوادي

للفرس مطمع بس حنا هل الدين

،،،،،،،،،،،،،،،،، سود القلوب وغلها اليوم زادي

(وأولاد وايل )كلها سور بحرين

،،،،،،،،،،،،،،،،، نحمي ثراها من قبل لاتنادي

محمدالعريعر - الرياض

**جبار بن عابر** · 02/03/09, (11:59 PM)

االشاعرا لرائع / محمد العريعر

صح لسانك

وبيض الله وجهــــك ,

**سعود المسعودي** · 03/03/09, (12:03 AM)

محمد العريعر

بارك الله فيك

صح لسانك إلين ترضا

قصيدة جزلة من رأس جزل بالمعاني

**المهندس2009** · 03/03/09, (12:04 AM)

صح لسانك

(وأولاد وايل )كلها سور بحرين

،،،،،،،،،،،،،،،،، نحمي ثراها من قبل لاتنادي

والله ونعم ونعمين

وكل القبايل

**شاعر البيتين** · 03/03/09, (12:55 AM)

بيض الله وجهك

وصح لسااانك

أبدعت ولاقصرت

تحياتي وتقديري

**سعود بن فرحان** · 03/03/09, (01:45 AM)

الشاعر محمد العريعر
صح لسانك صح لسانك صح لسانك
قصيدة قوية بقوة حضورك يارائع كفو والله . كتبت فا امتعت يامحمد .
تقبل تحيات اخوك / سعود بن فرحان المطرفي

**رابح الغضيان** · 03/03/09, (02:06 AM)

الشاعر/محمدالعريعر

صح لسانك

ودولة البحرين الشقيقة تستاهل هذا الشعور النبيل

منك والشعر الجزل

بيض الله وجهك وبارك فيك

تحياتي لك