عبيد لو من بعده القلب ملتاع..؟

[نايف الجزاع]

الاخوان والاخوات في ويلان



السلام عليكم ورحمة الله وبركاته



اعتذر للجميع عن الغياب في الفترة السابقة بحكم بعض الظروف .... وباذن الله سوف اكون قريب من شبكة ويلان مستقبلا قدر الامكان بعد ان زالت الظروف ... ولله الحمد...


اولا: لااراكم الله مكروها في عزيزٍ لديكم .. اقدم لكم قصيدتين الاولى

للشاعر / أحمد ين علي بن عقيل الهرمه

(وهي مرثية في " عبيد بن كسار بن جزاع احد شيوخ السبعة من قبيلة عنزة

رحمة الله واسكنه فسيح جناته)...


القصيدة الثانيه هي ردي على اخي الشاعر أحمد
مع شكري وتقديري لمشاعره النبيله وهذا موقف لايستغرب من امثاله ..

نـجــمٍ هــوا عقب ارتفاعه عــن الــقـــاع =زار الثريا وانحــدر من ســــمـاها
ياما انتهض فوق الكواكب والاشـعاع =والطايله شبل الظواري رقاها
سـطر له التاريخ مجدٍ بالأجماع=رام الفضيله والهزيله رماها
من صغر سنه وافي الشبر قطاع=رجله عن دروب الخطر ماثناها
أن هابوا الظلما لها "عبيد" بتاع=كم غابة للخوف جاد ومشاها
مايرتعد قلبه لياصاح فزاع=سم الأفاعي ينثره من حشاها
يامن خبر للعمر بايع وقلاع=مرخص حياته والمنايا شراها
للشر حصادٍ وللخير زراع=عين يداويها وعين عماها
بطاش لخشوم المناعير قماع=ان كبرت القاله ودارت رحاها
تركع له الشيخان طوعا وسماع=كم ابلجٍ يمك رقبته حناها
ياحيف ياحامي قناطيش الاقطاع=خليتنا عقبك تكايد بلاها
تركتنا مثل الجهامه بلاراع=نصبر الياما يلحقون وصياها
مرحوم ياريف اليتاما وماجاع=الارمله تمنح يمينه عشاها
يمسح دموع اللي من الياس ملتاع=كم عورةٍ يكسيه ربي كساها
لك فرجةٍ ياكبرها توجع اوجاع=تبكيك قومٍ خيب الله رجاها
ياكثر ماقهقرتها بين الاظلاع=كلمة وفاء واخاف يزعل صداها
بعض العرب من مدح الاجواد يرتاع=انصاف الرجال اللي قريبا ماداها
عزي لعقبه لابتك يابن جزاع =سهيل غاب وطار عنها ذراها
من عقب ماصيت المعاني لها شاع=طاح العمود اللي مشيد بناها
ضله كبير وللعرب درع وقناع=على بيوتٍ عزها وأحتواها
لوكان بالماكر صناديد وسباع =حضه رقا حض الرجال وطماها
ماسبهم لا شك مجد العرب ضاع=عسى العوض في روسكم ياوجهاها
يحرم على بطون النساء حمل ورضاع=في وقتنا الحاضر ينام بحشاها
مثله الياعدوا طويلين الابواع=حرز الجموع ومن يلوذ بحماها
لا وجمل عيده عن الحي نجاع=الله بفقد عبيد يجبر عزاها
تبكيك ترفاتٍ يحنن الاصباع=يمارن بك الشجعان حزة لقاها
ياما زهن باللبس مابين الانجاع=وكلٍ تماري به بنات قصراها
واليوم ياستر المفاريع دلاع=بوب البيوت اللي جنابك زهاها
الحزن لعيون العفيفات نزاع=عقب الطرب ياشين لجة رغاها
نصبر على ماصار وأمر الله مطاع=والموت غاراته طوالٍ خطاها
استغفر الله يمكن الموت طماع=كنه على جمع الاسود يتباها
يفضخ عيون القوم منزوع الاسناع=ياحيف عصمان الشوارب نقاها
ياقبر ضيفك للمواجيب جماع=اكرم نزوله لاتضيق فضاها
خل اللحود اللي يضمنه اوساع= لجثة كريما طيب الله ثراها
اوصيك لاتنسى كريمين الاطباع=خفف عليه من الرمال وغثاها
نواف حطوله مداخل ومطلاع=خل النصايب من يراها نصاها
حتى يشوفونه بعيدين الارماع=كنه جبل ستجار ماينتضاها
مالي وراء مدحه محاصيل وطماع=الشاهد الله ماطلبنا جزاها
مصابنا واحد على كل الاوضاع=ونفوسنا للشيخ نثبت ولاها

الشاعر / أحمد ين علي بن عقيل الهرمه



ردي هو :

الحمد للي نحمده كل الأوضاع= الواحد اللي كل ذره يراها
اللي خلق سبع السموات والقاع=واللي وعد صبر النفوس برضاها
الشكر له مانرتجي غيره افزاع=عساه يلحق كل نفسٍ رجاها
من ثم با احمد كل روحٍ لها داع=في ساعةٍ لاقبلها لاوراها
مكتوبةٍ في لوح محفوظ ماضاع= عند الذي صلى على العبد طاها
يحصد بعدها مازرع كل زراع=بالعدل تاخذ كل نفسٍ جزاها
الموت لو يزعل قليلين الاسناع=مايزعل اللي في صلاته قراها
كلً يذوقه طاع اوكان ماطاع=حتى النبي المصطفى في ثراها
وعبيد لو من بعده القلب ملتاع= له فرجةٍ ماينوصف مستواها
ذيبٍ على كسب الجزيلات طماع=اسطورةٍ كل عنزه به تباها
ريف اليتاما والضعافا ومن جاع=زبن الدخيل ان ضاق عنده فضاها
للمال بذالٍ وللطيب جماع=تخفي يمينه عن شماله عطاها
هو راعي النخوه وهو وافي الباع=تصعب على غيره دروبٍ مشاها
كبدٍ يخلص من مرارتها الاوجاع=وكبد الغثاء يدبل عليها غثاها
بالحالتين اليا عطاء يدبل الصاع=عينٍ يداويها وعبنٍ عماها
اسمه علا في قمة المجد وانذاع=صيته على روس الطوال وزهاها
لاقلت ابو كسار عبد بن جزاع=اهل البيوت اللي يذري ذراها
صيته تعدا لين مابالفضا شاع=من طيب وقفات اليمين ووفاها
رحل لربه والعزاء خمسة اسباع=مثل الاسد وقفاتهم ماتضاها
فيهم نشوف عبيد ونشوف الاطباع=فيهم رضا نفس المصاب وعزاها
والا انت اخو يا احمد ماهو هرج رماع=حقيقةٍ من قلب صافي نباها
فقيدة الويلان عزام قطاع=بتاع كل الطيبات احتواها
دنياً ترى الرابح بها ماشرا باع=والخاسر اللي يابو زايد شراها
والا طراة العمر زينات الاسماع=لذة حياة الظاهره هي طراها
باقي لو انه راح ماهب ذعذاع=لو مات باقي مايذعذع هواها
يارب تغفر له كثر ماسعى ساع=واعداد من لبى بمكه وجاها
وتسكّنه مالا رأت عين الانواع=في جنة الفردوس بأعلى سماها

[أبو غرام]

في البدايه وباديء ذي بدء

احسن الله عزاكم في متوفاكم واسكنه فسيح جناته

والهم اهله الصبر والسلوان

ثانيا

صح لسانكم جميع

يكفيكم انهن اتن نابعات من الصميم كي يكون لهن الوقع على القلب

لا اراكم الله مكروها وعسى السعد فالكم

وعسى العود دائما لا يوما واحدا

فانت كنز شعري اخي نفتخر بتواجده فيما بيننا

صح لسانك مرى اخرى

وتقبل مروري وتسجيل اعجابي ها هنا

دمت بود

[صالح الضويحي]

عبيد لـو مـن بعـده القلـب ملتـاع
لـه فرجـةٍ ماينوصـف مستـواهـا
.
.
.

عبيد بن كسار بن جزاع

احد الر جال الذين سطروا انبل المواقف .. بشاهدة الكثير
ممن يعرفونه عن قرب .. رجل .. عرفته وان لم اقابله ..
فـ " علم الحيا والغانمين يبين " رحل ولكن بقي له صيتٍ
يعمر صدور الأفيواء .. وتاريخٍ سيبقى مصدر فخر واعتزاز ..

.
.
.
باقـي لـو انـه راح ماهـب ذعـذاع
لـو مـات باقـي مايذعـذع هواهـا
يارب تغفر لـه كثـر ماسعـى سـاع
واعـداد مـن لبـى بمكـه وجـاهـا
وتسكّنـه مـالا رأت عيـن الانـواع
في جنـة الفـردوس بأعلـى سماهـا

اللهم اغفر له وأرحمه واسكنه فسيح جناتك



نايف الجزاع



رحل لربه والعـزاء خمسـة اسبـاع
مثـل الاسـد وقفاتـهـم ماتضـاهـا
فيهم نشوف عبيـد ونشـوف الاطبـاع
فيهم رضا نفـس المصـاب وعزاهـا


نشارككم نفس المشاعر .. احسن الله عزاكم وعزاء الجميع ..



اهلا بك وبعودتك.. ولاتعليق على هذه القصايد
فيكفي انها تتحدث عن رجل اثراء صفحات الوفاء
بمآثره الباقيه .. فكيف بالشعر .. هنا..


كل التقدير والاحترام

[سالم صالح]

احسن الله عزاكم ورحم الله ميتكم رحمة واسعة واسكنة فسيح جناتة



الشاعر الرائع



نايف الجزاع



مشاعر رائعة ونبيلة لشخص يستحق كل هذه المشاعر واكثر



نتشرف بعودتك اخي وياهلا بك ملايييييييين

[سعد النفج]

اولا / نعزيكم في الفقيد رحمه الله و اسكنه فسيح جناته ..

ثانيا / نايف الجزاع.. مبدع بكل حالاتك و متألق دائما ..

حضور مميز و شاعريه فذه ..

صح لسانك على هذا النص ..

و اتمنى ان لا يطول غيابك فحضورك له مكانه عاليه في قلوبنا قبل المنتدى ..

تقديري لك ..

[بدرفهد الجعفري]

رحم الله الشيخ عبيد بن كسار واسكنه فسيح الجنان

واحسن الله عزاكم فيه


وشكرا للشاعرين على هذه المشاعر الصادقه

شكرا لك شاعرنا المميز

[سالم العنزي]

الشاعر الكبير

نايف صح لسانك


مشاعر في غاية الصدق والجمال