{عاهل..البحرين}

[رابح الغضيان]

بدعوة كريمه من (ناصرالشعر)
سمو الشيخ الشاعر/ناصربن حمد آل خليفه...........حفظه الله

قلت هذه الابيات المتواضعه امام شموخ سموه الكريم
أمل ان تنال رضاكم وذائقتكم

راكب اللي من موديله ميزوه=ولايجيك اقساط من بياعته
قبل يصنع خططوا له وارسموه=بشاشة الحاسـوب قبل طباعته
صانعه مايعترف في حب ابـوه=ولاتعلـم فـي حياتـه طاعتـه
عبقري صنعه وبالمال اكرمـوه=مـن الطفولـه باينـه براعتـه
بوذي الملـه ولكـن نصّـروه=طامعيـن بخبرتـه وصناعتـه
رنـج روفرعز لـلـي وردوه=اشهد انـه مكسبـه ببضاعتـه
يوم عرّض كنه الحـر ودعـوه=يشبهه في نوضتـه ولماعتـه
ويوم قفـا بنـت شيـخٍ دلعـوه=مـن جمالـه زايـده مياعتـه
نجـدة الفقـران يتفحـح بـ(أووه)=ليه حظي عنك قصّـر لاعتـه
يتمنـى لوبجنبـه صــوروه=وتفتخر في صورتـه جماعتـه
يـم ناصـر جهـزوه وكلفـوه=شبل شيـخٍ سيرتـه شجاعتـه
وبالمنامـه لا وصلتـوا وقفـوه=عنـد قصر العز ياتباعتـه
بالكرم والطيب ناصـر لقبـوه=والوفاء والجود هـو شماعتـه
وللعدا ضرغام فارس جربـوه=سيف صارم بالوغـى قطاعتـه
وللسلام شعار مـن عنـه يتـوه=من الشهامه منبعه ورضاعتـه
فارسٍ شاعر صميـدع لا نخـوه=نصرة المضيوم هـي قناعتـه
منبعٍ للطيب مـن جـده وابـوه=ولـه يميـنٍ بالمكـارم ناعتـه
فاتـحٍ بابـه وغيـره سكـروه=يكرم اللي ظلم بقعـا صاعتـه
ينفق الدينـار ماقال اكنـزوه=يوم غيـره يبخـل بولاعتـه
يارفيع الشـان اسمـك علقـوه=في سنام المجد ماانـت بقاعتـه
ياسلايل من على العليا عرفـوه=عاهـل البحريـن يارماعـتـه
كل شعبه مـن ولاهـم يفتـدوه=بـارك الله بالعهـد وبساعتـه
وتربة البحريـن دمـي لو بغوه=والمليك ارواحنـا في طاعتــه
ربعه الويلان سور وحصنــوه=درع للبحرين عن طماعته
جيّت اهني شعب في صرحٍ بنوه=دولةٍ فيها الولا ماباعته

أخوكم:رابح الغضيان

[عبدالعزيز السعود]

شاعرنا الرائع رابح الغضيان ..

..صح لسانك ..

وسلم بنانك..


قصيده شامخه كـ شموخ كاتبها دمت بود ..

[أبو غرام]

دائما ودائما وستبقى ايضا ودائما

متمنيز ابو هيثم

لله درك

وصح لسانك حتى ترضى

يعجبني قصيدك واتنت اعلم بهذا

وماهذه الباذخه الا جزء من بحر ابو هيثم الشعري

لله درك مرة اخرى
وتقبل مروري وتسجيل اعجابي بك وبشعرك الجميل

[الجوكر]

شاعرنا القدير

رائعه أحرفك هنا....وقد التبست الشرف

قصيده اكثر من رائعه

ليس بغريب دام من ينسقها المبدع رابـــح الغضيان

تقديري

[حمد الخمعلي]

الاخ الشاعر رابح الغضيان


شاعر لا يشق لك غبار


ولا يختلف عليك اثنين

انت شاعر جزل ولك مايثبت جدارتك الشعريه من قبل ان نستمتع بهذه الشامخه التي لا تستغرب عليك0


واتيت بهذه الشامخه في رجل العز والمكانه فيكيف لا تكون شامخه وهي في من يستحق المدح والثناء0


تحياتي لك اخي

[خلف الغريب]

شاعرنا الجميل رابح الغضيان ..

الف صح لسانك وجملتنا مع شيوخ البحرين يا ابيض الوجه ..

جزلة من جزل ووصف جميل ومدح فاخر ..

لله درك ولا هان بوحك ..

تقبل مروري..

[نافع عيد الجديد]

الله الله

ابو هيثم

صح السانك ملايين ولايكفون

يستاهل الشيخ ناصر ماقلت ويستاهلون ملوك البحرين

ابدعت ماشاء الله عليك
دمت ودام هذاالابداع

لك الاحترام والتقدير