اليوم عيد ميلادي يابابا
كل سنه وانتم طيبين
باقي يوم او يومين ياحبايبي على
1 / 7
عيد ميلاد ثلثين الشعب السعودي
كلكم عاد تعرفون شقصة امهاتكم مع واحد سبعه
ترى هذا مو يعني اني عجوز وكبيره قصم بالله اني مابعد وصلت الثلاثين
وقصم بالله اني مولوده بمستشفى مو بر وابوي متعلم وجامعي بعد
بس مدري ليش كنه حالف اني اكون بنفس يوم ميلاده
ماعلينا
الموهيم لدينا كشعب راقي ولنا كياننا وابونا عبدالله الله يطول بعمره يحبنا من حقنا نفرح بهدية عيد ميلاد تناسب هذه المناسبة الجماعيه
لاتخلوني اعسب من جد لاني مافرحت بعيد ميلادي ثمن اسوي فيكم كصيده اخلي عمو اورنس يلحنها
ياجماعة والله انا شعب يستاهل طيب وحبوب ونفرح بالقليل
ولا بالله عليكم فيه احد يعطى خمسه % ثلاث مرات وساكت
شفتو فوق كذا حبابه
والله يابابا اننا شعب نعاني رفعنا روسنا نبي نطالع الهايات وبزرنا عيوننا شوي وحلمنا بحياة الهاي كلاس
ومادرينا الا بعجلة الغلاء وضيق المعيشه تاطا على علابينا
ماامدانا نتنفس من ازمة الاسهم الا جتنا ازمة الكهرب يلعن امها حاله على هالكهرب الي يطفي 16 مليون الف مره بالدقيقه عدم الثلاجات والمكيفات وهو مغير يشر ياليته يرسي على بر اما يشتغل ولايطفي ورب الكعبه جابلي حول من كثر ماتشر عيوني معه
يابا عبدالله الصيف مقبل وديرتنا مولعه هذا وطباخ التمر مابعد جا
شوف الله يرحم والديك لازم تساوي بين عيالك شوف عيالك طال عمر سموك وين يصيفون واحنا
عيال البطه السوداء (هذا المصطلح مستعار من هبووب) 
حقين 1 / 7 ودنا نتعرف على اخواننا من قرب ونونسهم ونوسع صدورهم ترى من جد الوحده شينه ومايصلح تفكهم في الغربه لوحدهم لابد ان تقرن كل واحد منهم بألف عفريت من ابناء الشعب الأشاوش والله الناس برا ماعاد يومنون كيف يابعدي تامنهم على عيالك
يابابا نسيبك الاسبوع الي راح استدعى من المعلمين المسلمين الله يكفيه شر دعاويهم
<< ماتحرش
اجل سموه بعد ماعلقوا امالهم على الله ثم عليه يجي يقول المعلمين عندنا ماديين
وين مادين معه يابوي تعال طلعلي من الشعب معلم واحد تاجر ولا عليه قرض للبنك
والله مايتعين الواحد والوحده منهم يابابا الا اول من يباركله موظفين البنك
المعلم ياطويل العمر يكد ويكرف عشان يربي عيالكم وياخذ راتبه اخر الشهر يادوبك يسد عياله
المعلم ياطويل العمر وانت تستقبل التهاني في عيد الفطر المبارك يمر بأطول شهر بالسنه ويدفع ضريبة صرف الرواتب في 20 رمضان
اكيد ياطويل العمر عندك عيال وشايف المصاريف اذا مو شايف خل اقولك
بما ان ثلثين عيالنا بنات الله يصلح ماعطا
في رمضان جميع الاسر السعوديه يتقضون للعيد وللدراسه بنفس الوقت وهالكلام ممكن من سنتين ثلاث
تدري شهر شوال قديش طويل على عيالك
انا اقولك يمين بالله اعرف ناس عندهم 8 بنات و3 اولاد
من شهر رمضان يبدون واكيد من 20 رمضان تحديدا لأنهم محدودي الدخل على هالراتب
للعلم ابوهم مدرس
( مادي )
يشرون المراييل لسته من البنات لأن ثنتين مادرسو
سعر المريول للصغيرات 60 ريال 60 × 2 = 120
وسعر مراييل الكبيرات تقريبا 120 مع التفصيل 120 ×4 = 480 ريال
مجموع المراييل يايبه 600 ريال
اضف لبس العيد كل بنت تبي لبستين الصغار 4 يكفيهم مع بعض 1000 ريال
والكبار 4 كل وحده 500 ريال مع الجزمه والشنطه والاكسسوار 2000 ريال
والعيال كل واحد يبي 300 حق ثوبين واحد للعيد وواحد للمدرسه 300 × 3 = 900 ريال
مع اغراض المدرسه ومستلزمات المكتبه والشنط وبدل الرياضه طبعا ومصاريف الزوجه اضيفوها لأنني نسيتها
يبي يصرف
المادي فوق ال 7000 ريال بدون مبالغه
من اصل راتب 9000 بعد الزيادات والعلاوات والخمسات
سيتبقى من دراهم
المادي 2000 ريال يوزعها بين فواتير واجار بيت ومصاريف معيشه
وتراه بعد كل هذا ساحب راتبه كله كاش يسابق عليه قسط البنك 2000 ريال
هذا نموذج بسيط من عيال البطه السودا يابابا الي يطمعون في كرمك ويبون هدية عيد ميلادهم
ويقولون تكفى تخلي خمستنا لاتسحبها والله انها مع قلتها الا انها مسكره ابواب وساده افواه
22/06/09, (11:00 AM)
«®°·.¸.•°°·.¸¸.•°°·.¸.•°®»اليوم عيد ميلادي يابابا«®°·.¸.•°°·.¸¸.•°°·.¸.•°®»
العرض العادي
