آمـــــــالـــــــــــــــــــــــــــــــــــــــ ـــنا - °~*¤®§(§ شبـــكة ويــلان العـربـيـه §)§®¤*~ˆ°

**حمد الوايلي** · 15/07/09, (11:28 PM)

آمالنا مخادعه مثل السراب=نطرد وراها يوم تقرب تختفي
لنا هقاوي ترتقي روس الصعاب=لكن تواجهنا الصعاب ونكتفي
ياصاحبي بعد المنايا وش نهاب=كل المشاكل تشتعل ثم تنطفي
أن جيت تبغا تحلها ضاع الصواب=وأذا تركت المشكله ماتنعفي
متضاربه دايم يجي فيها أضطراب=ويروح في زحمت كدرها العاطفي
العقل نعمة تبتغي شكر الثواب=من ضاع عقله مع ظلامه يقتفي
والرأي بين العقل والقلب أنتخاب=حسب التناغم بالبصيره يحتفي
والحلم عمله بالذهب لها نصاب=منها كثير من المشاكل تنشفي
وكان السؤال بحيرته يلقا جواب=كان الجواب يكون كله بالنفي
والبرق لامنه ضوا وسط السحاب=هيض قلوب ويظهر الحس الخفي
واللي طرالي بعد ماطال الغياب=في داخلي خلد شعورن بي دفي
ياخاطري من واقعي بأقفل أكتاب=وأبا أختم المعنى بنهاية أحرفي

**عبدالعزيز السعود** · 16/07/09, (12:19 AM)

الشاعر القدير

حمد الوايلي ..

صح لسانك وبيض الله وجهك ولا هنت

حضورك بشاعريتك الفذة من يجعل للإبداع معنى

لك تقديري واحترامي أخي الكريم

**محمد خلف الزايدي** · 16/07/09, (12:44 AM)

آمالنا مخادعـه مثـل السـراب=نطرد وراها يوم تقـرب تختفـي
لنا هقاوي ترتقي روس الهضاب=لكن تواجهنا الصعـاب ونكتفـي

حمد الوايلي

صح لسانك على هالطرح الرائع شاعر متمكن

لك حضورك المميز تمتهن الذايقه الشعريه

واسع الخيال وسلوب التعبير,,

تحيه طيبه لك

**حمد الوايلي** · 16/07/09, (05:33 PM)

عبدالعزيز السعود لي الشرف بمرورك وتعليقك شكرا من القلب تحياتي ودمت سالماً

**حمد الوايلي** · 16/07/09, (05:36 PM)

الاخ \محمد خلف الزايدي انرت صفحتي بمرورك الكريم لك الشكر تقبل تحياتي

**بنت الكحيلا** · 16/07/09, (05:46 PM)

حمد اويلي صح السانك اخوي

قصيدة جميلة الله يعطيك العافية

ولا يهينك على هذا الإبداع

لك تحياتي وتقديري

**ماجد الغانم** · 17/07/09, (04:38 PM)

الغاالي

حمد الوايلي

صح لساانك ..ولاهنت

حضور مميز ...وشاعريه رااقيه

دمت بكل خير ...ودام هذا التميز

تقبل جل تقديري واحترااامي