جابتني القدره على غير ميعاد ^ الله هداني والبخت جاب لي عيد

[محمد خلف الزايدي]

بسم الله الرحمن الرحيم
هذه الأبيات قلتها بالمدعو0
عيد بن خلف الشلهوب الأسلمي الشمري

عندما قمت بمراجعة إدارة الجوازات
بمنطقة تبوك في وقت العطله الصيفيه
وكانت مزدحمه بالمراجعين باأعدادلاتوصف
فذهبت إلى البوابه اسأل عن شخص كنت اعرفه ولكن
لي مده طويله عنه ولاعرف جواله واثنا سوالي
نسيت اسم ابوه وقلت اسم جده وقال العسكري الذي
سألته لايوجد شخص بهذا الاسم وكان عيد خلف الشمري
موجود وهو من حرس البوابه خارج الإداره وش حاجتك ياعم
قلت حاجتي ابي من يخلص اوراقي قال حياك الله اقلط بغرفة الحرس وقهواني
وقال والله ياعم حنا حرس ولكن استرح وانا ابي اجلب وجهي على الماسولين
لعل الله يجملنا معك ومع غيرك حنا الرجل الكبير نعده بمنزلة الأبو لو مانعرفه
ودخل الإداره وبعدعشر دقائق وهو جايب الأوراق مختمه جاهزه والناس
تأخذ مواعيد مراجعه , فقلت هذه القصيده اشرح الموقف والحقيقه بدون مبالغه

جابتني القدره على غيـر ميعـاد=والله هداني والبخت جاب لي عيد
أخذ أوراقي والبشر مالها أعـداد=واللي وصل بالدور ياخذ مواعيـد
قال إسترح ياعم وأبشر بالإمـداد=في حاجتك ماأصد عنها ولا أحيـد
بضيافتي محشـوم دلـه وبـراد=حنا خـدم لكبارنـا دون تحديـد
والله ماعرفه جيت صدفه ونشـاد=والله جعلها علـى كيـف ماريـد
يستاهل البيضا على روس الأشهاد=طيبٍ على وضح النقى ماهو تقليد
ماهو جديد اليوم من عهد الأجداد=شمر على النخوات عطشا مواريد
يوم الغلا من طيبها ترخص الزاد=أهل اللحيسـه مابقولـي مناقيـد
ويوم اللقاء بالكون تكيد الأضـداد=تشهدلهم صم الرمـك والبواريـد
يابن خلف ياعيد يانسل الأجـواد=قبلي مديح وعادتك تجدع الصيـد
حرٍ على الجزلات ساطي وجـلاد=الله يجيرك شـر كـل الحواسيـد

تحياتي وتقديري للجميع
ابو عبدالله

[سلامة الجعفري]

ماهو جديد اليوم من عهد الأجداد==شمر على النخوات عطشا مواريد

صح لسانك

ويستاهل الممدوح وانت كفو تقدر الطيب

[خالد حمد الدارك]

يستاهل البيضا على روس الأشهاد =طيبٍ على وضح النقى ماهو تقليد
ماهو جديد اليوم من عهد الأجداد = شمر على النخوات عطشا مواريد

صح لسانك ابو عبدالله

الطيب باهله موجود يستاهل الممدوح وانته كفو وتقدر الطيب لأنك من اهله

دمت بود واحترام

[محمد خلف الزايدي]

المشاركة الأصلية كتبت بواسطة خالد حمد الدارك

يستاهل البيضا على روس الأشهاد =طيبٍ على وضح النقى ماهو تقليد
ماهو جديد اليوم من عهد الأجداد = شمر على النخوات عطشا مواريد

صح لسانك ابو عبدالله

الطيب باهله موجود يستاهل الممدوح وانته كفو وتقدر الطيب لأنك من اهله

دمت بود واحترام

أخي القديرالفاضل
خالد حمد الدارك

صــــــــح بدنك ورحــم الله والديك . الكفؤ في اخلاقك
ومعدنك الطيب , وخير مايقال به الشعر إطراء من
من يستحق المدح والثنى بمثابة الشــهــادة
والدليل القاطع لمن تنتابه الشكوك بعدم
مصــداقــية الـقـصـه او الروايه.

الطيب وهبه من عزيز الجلالي = مقسوم بين الناس في كل ديره

من حصّـل شيٌ يستاهله . وعيد خلف الشلهوب وغيره من الطيبين
طيبه ماهو له فقط للقبيله التي ينتمي لها واسأل الله ان يديم اهل المعروف
واهل النخوه واهل السلوم الطيبه في كل بقعه من بقاع المعموره ,,,

تحياتي وتقديري
لإخي خالد حمد الدارك
وللجـــمــيـع

[تركي صالح]

الله يبيض وجه راع الطيب

عزالله يستاهل هالقصيده

شاعرنا القدير / محمد خلف الزايدي

صح لسانك على هذه الرائعه

وعزالله انك كفيت ووفيت

ومن فعل الطيبه يستاهل المدح

دمت بخير

وتقبل خالص التحايا

[محمد خلف الزايدي]

المشاركة الأصلية كتبت بواسطة تركي صالح

الله يبيض وجه راع الطيب

عزالله يستاهل هالقصيده

شاعرنا القدير / محمد خلف الزايدي

صح لسانك على هذه الرائعه

وعزالله انك كفيت ووفيت

ومن فعل الطيبه يستاهل المدح

دمت بخير

وتقبل خالص التحايا

أخي وعزيزي تركي صالح,,

أجلّ الله قدرك ومنحك العز والهيبه وألبسك ثياب التقوى والصحه .
شاكر مرورك العطر ودعواتك الطيبه في طيبة قلبك الصادق
ونبرات لسانك العذبه في خطوط قلمك الذهبي في أناملك
الطاهره , كما اشكرك على الإطراء والثنى على ماقلته
في حق الممدوح / عيد بن خلف الشلهوب الشمري

ارق وأعذب تحيه لك
ابوعبدالله

[أبوفهد الميهوبي]

الشاعرالقدير / محمد خلف الزايدي

صح لسانك على هذه الرائعه

وعزالله انك كفيت ووفيت

وعيد الشمري يستاهل المدح على طيبه الغير مبني على مصلحه