0000يوميات صايم0000 - °~*¤®§(§ شبـــكة ويــلان العـربـيـه §)§®¤*~ˆ°

**احساس قلم** · 04/09/09, (12:30 AM)

يسعدمسائكم أحبتي
بكل خير......
من المعروف ان شهر رمضان
من أجمل شهور العام
تحدث فيه مواقف محرجه ومواقف
جميله قد لاننساها
ومنها الذكريات الجميله
والتي من المستحيل نسيانها
نحتاج للترفيه وللحديث مع أقاربنا
وأخواننا
وكوننا نعتبر اعضاء ويلان
كأُسرة واحدهـ فلا مانع من ان نتبادل
الاحاديث والمواقف معاً
وهذا الموضوع يستعرض يوم الصائم
من وقت استيقاظه من النوم وحتى خلوده
للنوم مرة أخرى وماحدث
معه من مواقف خلال يومه
وسيكون معنا أعضاء كثيرون
ونستمتع بيومياتهم
أتمنى المتعه وقضاء اجمل الاوقات
معنا

**احساس قلم** · 04/09/09, (12:36 AM)

وسيكون صائمنا لهذهـ الليله

هومديرنا ,,,ماعندها وقت

هو الرائع " هندي المقبل "
فتفضل يامديرواحكي لنا عن يومك
وماذا فعلت ...!!

تحيتي للجميع

**الصقار** · 04/09/09, (04:00 AM)

- كاتبتنا الرائعه احساس -فكره حلوووه

نكتشف من خلالها يوميات الاحبه في هذا المنتدى

والي عندي بحائل ينتبهون تراي ناوي اشوف يومياتهم .. <كلنا عيال قريه> ههه
وخاصه الي كنت ناوي افطر معه بالبر ؟؟؟؟؟؟ هههههه...

**هندي المقبل** · 04/09/09, (11:37 PM)

اهااا

اثريك ناويه عليه من البارح !!

بس الحمد لله حظي جاء في يوم الجمعه مافيه احداث كثيره اتعب وانا اسردها

ولايهمك انتي وجميع الاعضاء ..... بسم الله نبدأ......

كما تعرفون اخواني واخواتي اعضاء منتديات ويلان بأن اليوم هو يوم الجمعه المبارك يعني يوم اجازه وفي رمضان تقريبا اغلبه نوم لذلك لاتستغربون !!

هذا سلمكم الله (طبعا مالكم دخل باللي قبل صلاة الفجر لانه يعتبر من اليوم السابق ولا راح اقولكم وش صار )
بعد ماصليت الفجر ذهبت الي الفراش وخلدت الي النوم
واثناء نومي حلمت بحلم ....لالا الاحلام ماهي مطلوبه هونت !!!
المهم صحيت الساعه 11 وقمت واخذت لي دش ورحت للمسجد يمكن على الساعه 12 تقريبا (على فكره ترى الصلاه عندنا متاخره شوي ) المهم الحمدلله صليت الجمعه ورجعت للبيت وتخبرون التلفزيون في رمضان شيء جيد خصوصا اذا مافيه نت ( لاني كلما جيت الاتصالات وقلت ركبوا لي DSL قالو تبطي عظم واذا جيت موبايلي قالو ماعندنا الا كونكنت) , جلست على التلفزيون ولادريت الا ام سيف تصحيني لصلاة العصر مدري متى نمت ولا وشكثر جلست على التلفزيون .
صحيت وصليت العصر عاد بعد صلاة العصر ماني احب اجلس في البيت وبما انا في رمضان ولامن مسيار او جلسه لازم اخذ لي لفه ومن كثر ما اخت لفات في القريات حفظت شوارعها كلها ادور عليها بعد صلاة العصر
المهم طلعت اخذت لي نصف ساعه مريت بها على كذا مكتب عقار ادور لي على بيت واول سؤال اسأله لصاحب المكتب عندما يذكر لي بيت هو يوصلها DSL والا لا ويوم بغيت ارجع لفت انتباهي زحمة سيارات عند محل مدري هو مخبز او بوفيه وفيه رجل مرور واقف قلت لازم اشوف وش السالفه وش وراي

يوم نزلت والا العالم ماسكين سرا ويأخذون ارقام وينتظرون بالشارع حاولت اقرب لراعي المحل اسأله وش السالفه ماقدرت ؟؟!
وبعد محاولات حثيثه وصلت عند ابو شهاب جيت ابي اسأله وش عندكم على طول عطاني رقم وقال لي عند المعلم الثاني
ناظرت للناس الا كل واحد يطلع ومعه كميه كبيره من خبز صغير ما ادري وش اسمه قطايف او مراصيع او مطازيز المهم ... ماني متأكد

اها هالحين عرفت وش السالفه مالي بها بس المهم كيف اطلع !!

طلعت لسيارتي الا والعسكري واقف عندها ويحرر مخالفة وقوف خاطيْ ومن هنا وهناك وبعد محاولات عديده هداه الله والغي المخالفه ومشيت على طول للبيت !!

وصلت البيت يمكن الساعه 6 تقريبا وعلى التلفزيون مره ثانيه اقلب هنا وهناك الي ان اتي برنامج خواطر بصراحه هالبرنامج معجب فيه تابعته الي ان خلص بعدها قلبت على ابو حويرش (غشمشم) وفي اثناء متابعتي لهذا المسلسل لاحظت وجود السفره امامي واول ما سعمت الاذان الا ويتم الهجوم على التمر السكري وقشطة المراعي وبدأت المعركه تخللتها هدنه قصيره لصلاة المغرب !!ثم تابعت هذه المعركه الي ماقبل صلاة العشاء !! تخللها مشاهده ممتعه لطاش ماطاش والاخت حسنى والدلوخ مع الحرامي واخيرا على عمو ابو ضاري وربعه

ثم بعد ذلك صليت العشاء في مسجدنا القريب منا وكان امامه الله يجزاه خير يطول في صلاة التراويح واجد فبعد ان صليت العشاء ذهبت الي مسجد ثاني وكملت فيه صلاة التروايح ورجعت للبيت وجلست فيه يمكن ساعه او اقل وبعدها خرجت الي الكوفي حتى اتصفح ويلان وهنا انتهي يومي .

تحيه للجميع

**احساس قلم** · 05/09/09, (12:33 AM)

ابو سيف وربي اسعدتنا بيومياتكـ
بس انت ماقلتلي وش وداكـ القريات
خبري فيك بالراياض هههههههههههههههه
<<<<<<<اش دخل امك انتي
طبعاا عندي سؤال يجلجل بخاطري <<<<<<ام يجلجل
بس خجلانه
بعدين وينكم يالربع
تعالو شوفو مديرنا ويومياته

**المراسل** · 05/09/09, (12:34 AM)

فكره حلوه لهذا الموضوع ويوميات مميزه مع استاذنا هندي المقبل

والحمد لله على السلامه من المخالفه وكل رمضان وانتم اطيب

**هندي المقبل** · 05/09/09, (12:51 AM)

اهلين احساس

بالنسبه للرياض خلاص طلقناها بالثلاث وش فيها غير الحر والزحمه لو انه يعز علينا فراق الكثير من الغالين هناك لكن ان شاء الله نجيها زيارات ولانسكن فيها .

وانا اطال الله بعمرك في القريات لدراسة الماجستير في احد الجامعات الاردنيه الله يسهل الامور

باقي السؤال الي انتي مستحيه منه هاتيه واخلصي !!!

تحيه للجميع