الصدر .. ساحة معركة .. مستجنه .. !! - °~*¤®§(§ شبـــكة ويــلان العـربـيـه §)§®¤*~ˆ°

**عبدالله مقبل** · 12/09/09, (05:11 AM)

السلام عليكم ورحمة الله وبركاته

اسعد الله اوقاتكم بكل خيراخواني واخواتي . لكم وحشه والله واعتذر عن قلة دخولي

بسبب ضيق الوقت

احترم كل عضو هنا وآمل ان تكونون دايم بخير يارب

للصدر ضيقه وللحرف ترجمه

وذائقتكم هي الغايه

. . . . . .

تكاضمن بالصدر طلق الاعنه

خيالهن هم .وغرابيل. والبين

لا صاح واحدهم لهن يتــلنه

غازين قلبي من زمان متواصين

الصدر ساحة معركه مستجنه

ثارت بها عجه مابين المعادين

تجمعة جيوش منه ومنه

وتوحدت راياتهم مستعدين

جيوش غزت قلبي وعالن وجنه

ثارت معارك والجماجم نياشين

كم راس رجل بالسيوف اجدعنه

وكم يتمن حروبهم من صغيرين

حرام قلبي حرم مايوصلنه

اقف لهن واذود خيل الهميمين

اشق طابور(ن) همومي تشنه

واكر وارجع يم عدوان أدنين

هذا صويب والطعون اطرحنه

وهذا يبارزني وذولاك باقين

أشد سيفي واليدين أحكمنه

اضرب به ارقاب العداه السليطين

لين الدما من سطوتي خضبنه

أهوش مقهور والاعدا جريين

وإن طحت تقعدني من القلب ونه

وارجع أجابه خيلهم بالميادين

ماطاح سور قلاعي ولا أهدمنه

ولا أهتز سيفي رغم حربي من سنين

بجيوشهم . طغوه .سطا . غدر . جنه

وبسيفي المصقول دحر المجانين

الله اعان المعصتم ماقونه

أسرت ثلث والبقيه طريحين

النصر مطلب والله اللي يمنه

لحظة نهاية معركه توها تحين

املا لهن قلبي خطاب قرنه

الحكم لله ثم لعبدالله الحين

هذي خلاصة معركه مستكنه

بين الحنايا العوج والناس لاهين

وســـلامتكم : عبدالله مقبل