ويـلــــي عــــــليه !!؟؟

[سعود السيف]

مساااااااااء الغلا

اتقدم لكم بهالقصيدة المتواضعه عسى ان تنال على رضاكم
...
..
ومن العايدين الفايزين
وكل عام وانتم بخير
.
.
.
.

ويلي عليه

.

كم خذاء منّي الزمان وكم عطآني=وكم تحدّانـي علـى شـيٍ أبيـه
وماحسبتْ حْساب لو جار وْرمآني=إلآ عن(عمرٍ مضاء)ويلي عليـه
يكفي إني عشتْ فيه إنسان ثآنـي=في وجود اللي حياتي فـي يديـه
آآه كم ليله لـه الخافـق دعآنـي=وراح ليلي فيه فيمـا كـان فيـه
وأقفتْ ضعونه على شيٍ دهآنـي=ورحتْ فيها من بلى العذر الوجيه
ولو يسـدْ بغيبتـه حـيٍ كفآنـي=بـسْ مـآوالله فيـه ودون ليـه
هو لْحاله فدوته قاصـي ودآنـي=وصدقْ ماقلته وقـدْ اللـي يجيـه
لعن إبو مجنا اللي بْمجناه جآنـي=حقّقْ مْـراده ونـال اللـي يبيـه
ومآعلى الدنيا عتب والعمر فآنـي=وماطرى بالبال هوْ واللـي يليـه
والمصيبه واثـق إنّـه مانسآنـي=وويل حالـي آآه وآويلـي عليـه

.
.
.
.
.
.
.
.
.

[سلامة الجعفري]

رائع ياسعود يشرفني ان اطلع على هذه الجميلة


صح لسانك ملايييييين ابيات اعجبتني

[بنت راشد]

سعود السيف
صح السانك مليون ولا يكفون كل عام وانتم بخير

[محمد عبدالرحمن]

رائعه يااستاذ سعود

[عوض بن خميس]

اخى سعود
كل عام وانت بخير
صح لسانك وسلمت يمينك على هذة القصيدة الجميلة
تقبل تحياتى ومرورى

[خلف الغريب]

كم خذاء منّي الزمان وكم عطآني

وكم تحدّانـي علـى شـيٍ أبيـه

وماحسبتْ حْساب لو جار وْرمآني

إلآ عن(عمرٍ مضاء)ويلي عليـه

يكفي إني عشتْ فيه إنسان ثآنـي

في وجود اللي حياتي فـي يديـه

الرائع سعود السيف ..

الف صح لسانك ولا هان بوحك ..

ابيات جميلة ومدخل رائع للقصيدة جعلنا نعيش نفس شعورك ..

تقبل تحياتي وودي ..

[رابح الغضيان]

اولاً هلابك يالغالي

وكل عام وانت بخير

كنت ابي اعاتبك على الغياب

ولكن هذه الرائعه

شفعت لك

الشاعرالجميل/سعودالسيف

صح لسانك


على هذا البوح الجميل من شاعر متمكن


رائع لاعدمتك


تحياااااااااتي وتقديري لك