ليلة سعدناا - °~*¤®§(§ شبـــكة ويــلان العـربـيـه §)§®¤*~ˆ°

**فرحان الفدعاني** · 27/09/09, (12:34 AM)

اليكم هذه المتواضعه وعسى انها تجد القبول عندكم وتروق لذائقتكم

ياصاحبي لاتعانق صياحي صياح=وتزعل وحنا مابدينا بعدنا
تعال اجلس خلنا شوي نرتاح=نبي نتصارح دام حنا وحدنا
مافيه عقده مالها حل ياصاح=بنحلها لو كان حنا اعتمدنا
لا لاتكابر تدري الود فضاح=يبين لعيون البشر لو جحدنا
قبلك اخذت بدرب الاحباب ملواح=ومن كثرماشفنا ترانا استفدنا
لاصار لي ترتاح وانالك ارتاح=وربي وربك باالمحبه قردنا
ليه الزعل والهم في جونا لاح=وابليس في خبثه وشره هجدنا
قم العن الشيطان قل الحطب طاح=حط اصبعك بعيون منهوحسدنا
مادام فنجال الهوى بيننا فاح=اقرب نبي نلهد زمانن لهدنا
نبي نرجع وقت ماضي لنا راح =ونرسم من اليلة ليالي سعدنا

**بنت الكحيلا** · 27/09/09, (01:52 AM)

صح لسانك اخوي فرحان الفدعاني

قصيدة جميلة ومعبرة الله يعطيك العافية

لك شكري وتقديري

**فرحان الفدعاني** · 29/09/09, (06:38 PM)

اقتباس:

المشاركة الأصلية كتبت بواسطة بنت الكحيلا

صح لسانك اخوي فرحان الفدعاني

قصيدة جميلة ومعبرة الله يعطيك العافية

لك شكري وتقديري

هلا وغلا

يابنت الكحيلا

وصح الله بدنك

الف شكر لك ياعزيزتي على هذا المرور العذب

شرفني واسعدني مرورك العطر

لك الود والتقدير

**ماجد الغانم** · 29/09/09, (07:32 PM)

االغالي

فرحان الفدعاني

صح لسااانك ...ولاهنت

على هذا النص الجميل

دمت بكل خير ...ودام هذا التميز

تقبل جل تقديري واحترامي

**الصقار** · 29/09/09, (08:10 PM)

الاخ الشاعر ,,فرحان الفدعاني,,,

صح لسانك وسلم بوحك
على هذا النص الراقي والممتع

تقبل تحيااتي وتقديري

**هندي المقبل** · 29/09/09, (10:35 PM)

فرحان الفدعاني

اهلا بك شاعر مبدع دائما

صح لسانك على هذه الابيات وتقبل اعجابي بما تكتب

**عوض بن خميس** · 29/09/09, (11:26 PM)

اخى فرحان الفدعانى
صح لسانك وسلمت يمينك
وننتظر جديدك..
تحياتى ومودتى