سلامة الجعفري
مرحبا في ردة ٍ يشفق لها من غاب عنها = مار يالحضار بالله علمو لي كل غايب
صاحبي ماجد ضمن حاجه وحاجه ماضمنها = الله انه يبلغه مشهاه بديار الجنايب
سعوط المجانين
البقا ردية ٍ من صيتها تامر وتنها = مير يالضوي لاتشغل ماجد بكثر الطلايب
من شهر زرت الديّر شلت الذبيحه مع صحنها = وانت لك عامين منته مخطي ولانته بصايب !!
سلامة الجعفري
كان تزعلك الحقيقه قول لي زعلان منها = ثم ماعاد التفت بك وانت في سوق الجلايب
تفرح انك تمسح الناقه وتشرب من لبنها = والا انا اناطح وجيه القوم في وقت الحرايب
سعوط المجانين
الله اكبر كيف يزرعها وعلى الصبخه دفنها = ياعجايب من بعض هرج الجماعه ياعجايب
احمد الله وانت لك عامين تطلبني رسنها = كل مامديتها لك قلت ماسد النوايب
سلامة الجعفري
من يلبسك العباه الضافيه كانه خبنها = كيف تشعر ؟ بعد رفعة جانبك لو جيت خايب
تاج ربعي فوق راسي قيمته عالي ثمنها = والحقيقة ماشفقت لدرة النوق الحلايب
سعوط المجانين
والله اني مادريت ان البشر زايد غبنها = لين شفت ان الجروح امست مفاتقها عطايب
بارك الله بك وبرجال ٍ تقدم لك ضعنها = مير شوف الفرق مابين الهديه والغصايب !!
سلامة الجعفري
صفنا واحد وكل جنازة ٍ تلقى كفنها = الله انه لايزيغ عقولنا جزل الوهايب
مانزودك والمشاكل ندري انك تحتضنها = وانت قلت اهدوك لو ماجيتهم تطلب رغايب
سعوط المجانين
بعد ماكرم لحيته راع الوفا قام وحسنها = كيف يصبح بالشجاعه ثم يمسي رجل هايب
انت راعي مهنة ٍ من عام منته ممتهنها = كل ماضاع الفكر منّك تبلّتك النشايب
سلامة الجعفري
علموه الغرب يرطن ثم جا عندي رطنها = مار خذها من وسيع المعرفه والبال طايب
انت شاعر مانقول القافيه تغدي لحنها = بس رجوى الناس عندك مايعد من المعايب
سعوط المجانين
انته علومك تكرر شامها يشبه يمنها = كل يوم تجيب نفس العلم ياولد القرايب
والله اني مارجيت النخله اللي في وطنها = مير جتني وانت هيجن كل ماهبت هبايب
04/10/09, (08:59 PM)
العرض العادي
