يا وقت رتبني مع الناس ترتيب - °~*¤®§(§ شبـــكة ويــلان العـربـيـه §)§®¤*~ˆ°

**عبدالعزيز العدواني** · 30/10/09, (07:40 AM)

يا وقت رتبنـي مـع النـاس ترتيـب = وعطني من الوان البشـر واعتبرنـي
ماضي تجـدد فـي زمـان الأكاذيـب = وان عودت للزيـف يـا رب اجرنـي
قصرت يدين(ن) تجزي الطيب بالطيب = وطالت يديـن(ن) بالغيـاب تعسرنـي
عبادة وجيـه البشـر هرجهـا عيـب = دايـم وهـي فـي غيبتـي تفتكرنـي
حصني منيع ولا لحق خاطـري ريـب = واليا خسرت اقـول وقتـي خسرنـي
أبخص كثير الهـرج وامـد واصيـب = واجـازي اللـي بالجمايـل غمرنـي
ويوم ان بعض الناس عينه على الجيب = ما الـد طرفـي لـو زمانـي قهرنـي
هذا أنا والضيـف عـاف المعازيـب = والسور عالـي وان رقيتـه كسرنـي
ماهي طماعه مير خوفي مـن الذيـب = ياكل عشى مـن بالسوالـف قمرنـي
يبي علـى كيفـه تزيـن المشاريـب = والعـز سجانـه علـى القـوم يرنـي
يا وقت رتبنـي مـع النـاس ترتيـب = وامـا اعتبرنـي أو فـلا تعتبـرنـي

**تركي الجعفري** · 30/10/09, (10:23 AM)

[size=7]صــــح لسانكـ
ابيات رائعه,,,[/size]

**سعد النفج** · 30/10/09, (03:00 PM)

عبدالعزيز العدواني ..

صح لسانك ..

نص رائع و حكم يحملها لنا هذا النص الرائع ..

أبخص كثير الهـرج وامـد واصيـب
واجـازي اللـي بالجمايـل غمرنـي
ويوم ان بعض الناس عينه على الجيب
ما الـد طرفـي لـو زمانـي قهرنـي

شاعر رائع ..

**سالم صالح** · 30/10/09, (03:01 PM)

الشاعر الرائع

عبدالعزيز العدواني

صح السانك شاعر جزل ويعرف طريق الجزالة

قصيدة تحمل الجمال والروعة

تقبل تقديري وودي

**هندي المقبل** · 30/10/09, (03:29 PM)

الشاعر عبدالعزيز العدواني

صح لسانك على هذه القصيده الجميله كما عودتنا

تقبل اعجابي

**عوض بن خميس** · 30/10/09, (03:48 PM)

الاخ الشاعر عبد العزيز العدوانى
صح لسانك على هذة القصيدة الجزلة لاغرابة منك الابداع
شكرا لك وننتظر جديدك
تحياتى ومودتى

**حمد الخمعلي** · 30/10/09, (04:20 PM)

الاخ الشاااعر عبد العزيز العدوااني0

صح لسااانك وسلم نبضك0

قصيده فيها من ابيات الحكم0

تقديري