صورتك

[عبدالعزيز العدواني]

السواد بصورتك ماهو سواد = كل هذا من ألم سود القلوب
من نواياهم غدا جمرك رماد = وثلجهم من جمرك الصالي يذوب
والزوايا صبر واصرار وجهاد = وذنب ماضي من زمن عيا يتوب
ذنب واستغفر عن التوبه وعاد = اشرق بشمس(ن) تمايل للغروب
والبياض اللي تشوفينه حصاد = مازرعتي صدق في وقت(ن) كذوب
كذبوك وكذبوك ولا استفاد = غير صدقك بارتياحه للهروب
ارتجلتي سكتك وسط البلاد = مامعك من ذكرياتك غير ثوب
تلبسينه يا سلب منك العناد = حس صادق قلب وافي ومحسوب
حسرة المقفي على ظهر الجواد = كر فر وفر كر بلا حروب
بين نفس(ن) تشتهي نيل المراد = وبين نفس(ن) تايهه بين الدروب
برد حر وحر برد بلا براد = خاطر(ن) مسلوب والقلب مغلوب
من شموخك يستمدون العتاد = ومن صفاك الما على قدره يروب
البشر في نظرتك صارو جراد = من شمال وغرب من شرق وجنوب
مايخلون النخل وقت الجداد = يستعيذ الزرع ياهبت هبوب
صورتك هذي أبد ماهي جماد = صورتك صوتك ونبضك للقلوب

[حمد الخمعلي]

الاخ عبدالعزيز العدواااني0


ملامسه حساااااسه مدبلجه نزفتهاااا من اعمااااق قلبك لناااااا0

ارتجلتـي سكتـك وسـط البـلاد00مامعك من ذكرياتـك غيـر ثـوب
تلبسينه يـا سلـب منـك العنـاد00حس صادق قلب وافي ومحسـوب

اعتقد في هاذين البيتين وصلت لقمت المعنااا المسترسل00


الف شكر لقلبك الصااااافي0


تقديري

[بدرفهد الجعفري]

فعلا احاسيس لامثيل لها

صح لسانك ياعبدالعزيز دائما مميز

[سعد النفج]

الرائع / عبدالعزيز ..
.
رائع هذا النص ..

استخدمت كل ما يجمّل هذا النص من إبداع ..
نص من أول بيت إلى آخر بيت و هو ينقلنا من جمال إلى جمال آخر ..
لا يمكن وصف الإبداع هنا ..
و لا غرابه فأنت شاعر تعزف على أوتار الإبداع ..
دمت بخير ..

[البدر]

الرائع عبدالعزيز

صح لسانك ابدعت وانت شاعر بحق تستحق لاشاده بما قدمت من نصوص مميزه

صح لسانك