(قل تـــــــــــم!!) - °~*¤®§(§ شبـــكة ويــلان العـربـيـه §)§®¤*~ˆ°

**غموض الشمال** · 23/01/10, (06:29 PM)

(قل تـــــم!)

تبي تعرف وشكثر مشتاقلك سم=بحاول أوصف لك حدود أشتياقي
وخبرك عن شوق طاغي وبي لم=عل وعسى تعبير وصفه الآقي
شوق العقيم اللي تمنى تصير أم=تضم بإيديها طفل لو معاقي
شوق الطفل لامه ليا شالها شم=يشتاق لحظات الدفا والعناقي
شوق الغريب اللي طواه الدهر هم=مشتاق لاهله بعد طول الفراقي
شوق البدو عقب المحل بارقن عم=شوف المطر والسيل للارض ساقي
الشوق كل اللي سمعته لك التم=بين الضلوع اللي بها الصدر ضاقي
وشوقي لك أكبر لاحدود(ن) ولاكم=ماله علاج ولا يداويه راقي
تكفى طلبتك لي تنعم وقل تم!=الشوق شوقني لوقت التلاقي
تعال طف الشوق ولخافقي ضم=تعال زادت لهفتي واحتراقي

وسلااااامتكم

**مشاري بن فالح** · 23/01/10, (06:40 PM)

تم

اولا عجبني العنوان
وشي ثاني
ابداااع قسم بالله .....
صح الله لساااانك
واعتلا شانك

الراقيه والعذبه / الشاعره / غموض الشمال
دائما تذهلين قرّائك بسلاست النص وقوة الاحساس والمعنى
اهنيك على هذا الابداع .. وفانت اهلآ له ....

دام نبض قلبك وقلمك
شكرا لك يا ذوووق

اخوك / هاجس الحرمان

::

**عوض بن خميس** · 23/01/10, (11:30 PM)

الشاعرة غموض الشمال
نص اية فى جمال المعانى والاحاسيس قصيدة من النوع الفاخر الايستطيع اجادتها غير كبار الشعار وانتى منهم ياختاة. تحياتى واعجابى بطرحك

**حمد الخمعلي** · 24/01/10, (12:29 AM)

الاخت غموووض0

صح لسانك وتسلمين0

دائماً معودتنا على الابداااع ولاغراابه عليك0

القصيده جميعها جميله ولاكن فيه ابيات اعجبتني كثير0

شوق الطفل لامه ليا شالهـا شـم
يشتاق لحظـات الدفـا والعناقـي

شوق الغريب اللي طواه الدهر هم
مشتاق لاهله بعد طـول الفراقـي

شوق البدو عقب المحل بارقن عم
شوف المطر والسيل للارض ساقي

ما امتع هذا الشوق وما اجمله بإحساس صادق0

تسلمين اختي على هذه المتألقه0

كُوني بخير

**masha3el ** · 24/01/10, (02:21 AM)

الشاعره المتألقه
غموض الشمال
‏صح لسانك وكلك و نص راقي وجذاب وألفاظ عذبه
‏أختي الكريمه حرفك جميل ذو قيمه ذهبيه وما شاء الله عليك وننتظر جديدك ودمتي بخير تحياتي ومودتي

**بدر الخلاوي** · 24/01/10, (04:23 AM)

تكفى طلبتك لي تنعم وقل تم!=الشوق شوقني لوقت التلاقي
تعال طف الشوق ولخافقي ضم=تعال زادت لهفتي واحتراقي

الشاعره ,, غموض الشمال

صح لسااااانك مليون ولا يكفون
قمة العذوبه اسجل اعجابي بما تطرحين
دام جودك ووجوووووووودك
وتقبلي مروري بود

**هندي المقبل** · 24/01/10, (03:22 PM)

الله عليك

اختي غموض الشمال انتي شاعره مبدعه بحق وتمتلكين حس شعري مميز

هذا النص الشاعري جميل بكل كلمه وكل حرف فيه

صح لسانك وتقبلي مروري المتواضع

اسمحي لي بهذه الملاحظه للفائده
تـبــي تـعــرف وشـكـثـر مشـتـاقـلـك ســــم
بـحـاول أوصــف لــك حــدود أشتـيـاقـي

اعتقد ان الوزن اجبرك على اختيار التذكير هنا بدل التأنيث في كلمة "مشتاقلك"