رسالة من الصنادق لأصحاب القصووور!!!

[نايف الشبيعان]

إهداء لشيوخ وأعيان قبيلة عنزة

كتبت أنا الأبيات من تصميمي=ولاني مدوّر عقبها التكريمي
صفّيتها صفّ الحجر بالفلّه=ولاهي بحاجت نقض أو ترميمي
شعرٍ لك الله ظاهرٍ من قلبي=في حفل وسطه بيّن التنظيمي
أنا هنا ماني بشاعر قلطه=يسود نظم ابياته التعتيمي
ولاني بشاعر غايته بالشهره=ولا شدّني لشّعر وصف الريمي
عندي قضيه بالوسط مشهوره=أدريبها تفهم بلا تفهيمي
قضيةٍ يصعب علي أشرحها=إمعقده ومسمّمه تسميمي
باخذ نموذج من قضية ربعي=والوضع مابه سر أو تكتيمي
ركزّ معي باقصلك وأشرحلك=وأحكيلك الواقع بلا ترهيمي
قصّة رجل عاش الحياه الصعبه=مولود بارض المملكه ومقيمي
رجلٍ بليّا إثبات عاش أيّامه=يشرب قراطيع الأسى والضّيمي
سبعت عشر نفسٍ معه في بيته=وأخٍ أصمّ ابكم بلا تعليمي
حِرموا من ابسط حاجةٍ ناخذها=حتى الدّراسه حرّمت تحريمي
في صندقتهم عايشين بحسره=في عرضت التّشريد والتّيتيمي
يطلع ابوهم بالصباح الباكر=يجهم يدور لقمته ويهيمي
وان قلتلك نوبن يجيهم مفلس=لاتقول هذا الوصف من تفخيمي
معذور لاكذبت لأنّك منعم=وتاكل غداك مدَسّمن تَدسيمي
وإن نّمت نومك في مكانٍ هادي=في وسط غرفه مابها تنسيمي
كنك عُزلت عن الذي بالخارج=ولاّ بمعنا منَعّمن تنعيمي
لكن ابيك بيوم وانته فاضي=من فوق جيبْ مواصفات بْريمي
إركب معي لطريف واطلع قبله=تلقى الأدله ماتبي تحكيمي
تلقى الصّنادق والفخر يملاها=والعزّ يظهر لك سوات الغيمي
رَغم الفقر والقلّ لاجا مسيّر=قولت هلا امولّمه توليمي
الضيف لاجاهم بليلٍ دامس=حلو النّبا يلقاه والتّحشيمي
ربعي وحاجتهم مَهي بالصعبه=عند الذي طيبه سوات الدّيمي
مطلوبهم بطاقةٍ في بوكك=إمْن البطى امخيّمه تخيّيمي
حَصّلت منها بيت زي العالم=وموتر جديدٍ منوة التّحويمي
فيها الذي تبغاه مابه منّه=واللي إخدمك يدوّر التقييمي
وإن جيت ربعك رحَّبو بقدومك=وقْلّط لك الحاشي بجنب نعيمي
تستاهله لاصرت قد الهقوه=ومعاملتهم قوّمت تقويمي
هِنا تجي ربعك وكلّن يشّر=هذا الذي يستاهل التّنعيمي
هذا الذي فعله يسابق قوله=يوم الضّماير نوّمت تنويمي
(أمّا أنت ياللي واصلن بالدّوله!=ومتخوّفن حتّى من التكليمي!)
بكره ويا ويل الرّدي من بكره=يٍكشَف غطاك وتسمع التّشتيمي

وأعتذر لإنقطاعي لعدم التفرغ أخوكم نايف رحيّل الشبيعان

[بدويه]

قصيده عظيمه


من

انسان

عظيم




الناس عباره عن جماجم


والجماجم كلها تتشابه عظام ومخ


وتختلف تركيبات المخ من انسان لاخر

اعذرني وانا اختك يا نايف

لو ناخذ عينه من مخك ونصبها


بهالجماجم لربما


احيينا الحميه من اصحاب القصور من القصور والتقصير !


كل الشكر وصح لسانك وجعلها الله في موازين حسناتك

[حمد الخمعلي]

الشاعر القدير نايف الشبيعان

قصيده مؤثره جداً

بقول لك شي.....؟

لو إن اللي ذكرتهم لاينتمون لقبيلة عنزه والله منذُ زمن وهم حااصلين على ماايريدوون

ونحن لا؟ نمُت ولم نآخذ مانريد وهذا والله الواااقع أُنظر الى القبااائل الثاانيه هل هم يعاانون مثلناا لاوالله0

سلم قلبك على هذه الابياات التي والله تلتطم الصميم0

كُن بخير

[سالم صالح]

الرائع والمبدع


نايف الشبيعان


شاعر كبير وعظيم وقصيدة مؤثرة وعظيمة ومن انسان يحمل قلب وعقل انسان بمعنى الكلمة واكبر دليل هذا الاحساس والرحمة التي تحملها هذة القصيدة التي تتكلم عن فئة عانت الكثير والتي لاتمت لشاعرنا الا بالاسم الاخير ولكن الحمية هي من تتحدث ونحن معك فيما كتبت وكما قال اخي / حمد

لو انهم من قبيلة اخرى لحصلوا على كل شيء من زمان ولكن نقول ان شاء الله تصل هذة الابيات لااصحاب العقول والافعال الصادقة من اهل الكلمة في القبيلة ويحقق لاخواننا مايريدون


ونحن افراد من القبيلة وانا اولهم تحت امرك اخي / نايف الشبيعان

بما نستطيع لاهلنا لو بالقليل من المال وشاكر لك انسانيتك الرائعة


تقبل تقديري وودي

[سعود المسعودي]

لشاعر القدير\\ نايف الشبيعان

صح لسانك وعلا شانك

جزله والجزاله ماهي غريبه عليك


تقبل تحياتي وجل تقديري واحترامي

[نايف الشبيعان]

الأخت بدوية الف شكر على كلماتك الطيبه التي إن دلة على شئ فهي تدل على حسن ذاتك وأخلاقك العالية

تقبلي تحياتي وتقديري

[نايف الشبيعان]

الأخ /سعود المسعودي

شهادة أعتز فيها الف شكر سعود على المرور العطر

دمت بود