النجاح !!!

[طلال الايداء]

متواضعتي لروحكم الطيبه امل ان ترووق لذائقتكم واعتذرر عن غياابي الكثيررر

النجاح احيان يبنيه الفشل = دام عزمك يملكه حلم النجاح
كل عالم عاش في ساسه جهل = واكتسب علمه من سلاح الكفاح
والالم تنساه اذا الجرح اندمل = والتعب منسي بطعم الارتياح
والعمر يقضي وشغله ماكمل = والمساء ننساه في روح الصباح
والجبل راسي على اسمه جبل = مايشيل هموم هزات الرياح
والجمل قادر على شيل الحمل = مانكسر ظهره من حموله وطاح
كل هالاشياء تعطيني امل = ان ضيقاتي لها يوم وتزاااح
ودام حلمي ماكسر عزمه فشل = بعتبر نفسي على درب النجاح

[أبو غرام]

وانت على درب النجاح دوما وابدا يا شاعرنا الفذ

لله درك على جمال ابياتك اخوي طلال

مبدع مبدع مبدع

والله يزيل عنك الضيقه

صح لسانك حتى ترضى ايها الشاعر الجميل

ودي وتقديري

[هيـاا العـازمـي]

.
.

أُشارك الفاضل .. مشرفنا جائز المليحان التعقيب

انت على درب النجاح دوما وابدا يا شاعرنا الفذ

لله درك على روعة الابيات

أسأل الله أن يبعد عنك الحزن والضيق

ويصح لسانك بووحك وفكرك حتى ترضى شاعرنا

تقديري

هيــــااااا

[سلامة الجعفري]

كل عالم عاش في ساسه جهـل

واكتسب علمه من سلاح الكفاح

صح لسانك وابدعت ياطلال

تقبل مروري

[البدر]

النـجـاح احـيــان يبـنـيـه الـفـشـل ==== دام عزمـك يملكـه حـلـم النـجـاح

طلال الايداء رغم قلة الابيات الا انها من نوع خير الكلام ماقل ودل

صح لسانك الي ان ترضى

[سعود المسعودي]

طلال الايداء

صح الله لسانك

وبيض الله وجهك على الحضور الجزل

دمت بود

[سليمان الجعفري]

الاخ / طلال الايداء

صح الله لسانك وعلا شانك

بيض الله وجهك على الحضور الجزل والرااائع

الله يعطيك الف عافيه .. لاهنت ياالغالي

تقبل تحياتي واحترامي